ନୂଆଦିଲ୍ଲୀ: ମାଲ ପରିବହନରେ ସମୟ ବଞ୍ଚାଇବା ଦିଗରେ ଭାରତୀୟ ରେଳ ଆଉ ଏକ ନୂଆ ରେକର୍ଡ ସୃଷ୍ଟି କରିଛି | ଦକ୍ଷିଣ ପୂର୍ବ କେନ୍ଦ୍ରୀୟ ରେଳ ଗୁରୁବାର ଦିନ ଟ୍ରାକରେ ୨୫୧ ୱାଗନ୍ ବିଶିଷ୍ଟ ‘ଶେଷନାଗ’ ଟ୍ରେନକୁ ନିୟୋଜିତ କରିଛି । ଏହି ଟ୍ରେନ୍ ନାଗପୁର ଡିଭିଜନରୁ ଛତିଶଗଡ଼ର କୋରବା ପର୍ଯ୍ୟନ୍ତ ଚାଲିଥିଲା | ଏହି ଟ୍ରେନ୍ ୬ ଘଣ୍ଟା ମଧ୍ୟରେ ପ୍ରାୟ ୨୬୦ କିଲୋମିଟର ଅତିକ୍ରମ କରିଥିଲା। ଏହାପୂର୍ବରୁ ବୁଧବାର ଦିନ ‘ସୁପର ଆନାକୋଣ୍ଡା’ ଟ୍ରେନ୍ ଚଳାଚଳ କରିଥିଲା। ୨ କିଲୋମିଟର ଲମ୍ବା ‘ସୁପର ଆନାକୋଣ୍ଡା’ରେ ତିନୋଟି ଇଞ୍ଜିନ୍ ବ୍ୟବହୃତ ହୋଇଥିଲା ଏବଂ ଏହାର ଓଜନ ୧୫ ହଜାର ଟନ୍ ଥିଲା |
Sambad is now on WhatsApp
Join and get latest news updates delivered to you via WhatsApp
रेलवे द्वारा देश में रेकार्ड 2.8 किमी लंबी मालगाड़ी का सफलतापूर्वक परिचालन किया गया। 4 ट्रेनों को जोड़कर शेषनाग नाम से मालगाड़ी चलाने का यह प्रयोग सफल रहा।
इससे एक बार में अधिक सामान को एक स्थान से दूसरे स्थान पर भेजा जा सकता है। pic.twitter.com/FgQocG00La
— Piyush Goyal (@PiyushGoyal) July 2, 2020
ଏହି ଟ୍ରେନ୍ ଘଣ୍ଟା ପିଛା ୬୦ କିଲୋମିଟର ବେଗରେ ଓଡିଶାର ଲାଜକୁରା ରୁ ରାଉରକେଲା ଅଭିମୁଖେ ଯାତ୍ରା କରିଥିଲା। କେନ୍ଦ୍ର ରେଳ ମନ୍ତ୍ରୀ ପୀୟୁଷ ଗୋୟଲ ଟୁଇଟ୍ କରି କହିଛନ୍ତି ଯେ ଶେଷନାଗକୁ ଭାରତୀୟ ରେଳବାଇର ଦୀର୍ଘତମ ଟ୍ରେନ୍ ଭାବରେ ନାମିତ କରାଯାଇଛି। ଏହି ସମୟ ମଧ୍ୟରେ ରେଳବାଇ ମାଲ ପରିବହନ ସମୟ ଏବଂ ମୂଲ୍ୟ ସଞ୍ଚୟ ଉପରେ କ୍ରମାଗତ ଭାବରେ କାର୍ଯ୍ୟ କରୁଛି ଏବଂ ତେଣୁ ଟ୍ରେନଗୁଡିକୁ ଏକାଧିକ କୋଚ୍ ସହିତ ସଂଯୋଗ କରି ଅଳ୍ପ ସମୟ ମଧ୍ୟରେ ଏକାସାଙ୍ଗରେ ଅଧିକ ସାମଗ୍ରୀ ପରିବହନ କରାଯିବାକୁ ବ୍ୟବସ୍ଥା କରାଯାଇଛି |
ସୁପର ଆନାକୋଣ୍ଡାରେ ୬ ହଜାର ହର୍ଷ ପାୱାର ବିଶିଷ୍ଟ ତିନୋଟି ଇଞ୍ଜିନ ଲଗାଯାଇଥିଲା | ଏହି ଟ୍ରେନରେ ୧୭୭ଟି ଲୋଡ୍ ୱାଗନ୍ ଯୋଗ କରାଯାଇଥିଲା, ଯାହା ମାଧ୍ୟମରେ ୧୫,୦୦୦ ଟନ୍ ଓଜନର ସାମଗ୍ରୀ ପଠାଯାଇଥିଲା |
–