ଆସନ୍ତା ଏପ୍ରିଲ ସୁଦ୍ଧା ଭାରତରେ ପହଞ୍ଚିବ ୭ଟି ରାଫେଲ ବିମାନ : ରାଜନାଥ
ନୂଆଦିଲ୍ଲୀ : ଆସନ୍ତା ବର୍ଷ ଏପ୍ରିଲ-ମେ ମାସ ସୁଦ୍ଧା ଭାରତକୁ ପ୍ରାୟ ୭ଟି ରାଫେଲ ଲଢୁଆ ବିମାନ ଆସିଯାଇଥିବ ବୋଲି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ କହିଛନ୍ତି । ଫ୍ରାନ୍ସଗସ୍ତରୁ ଶୁକ୍ରବାରଦିନ ଫେରିବା ପରେ ସେ କହିଛନ୍ତି ଯେ ରାଫେଲ ବିମାନ ଆସିବା ପରେ ଭାରତର ସାମରିକ ଶକ୍ତି ଉଲ୍ଲେଖନୀୟଭାବେ ବୃଦ୍ଧି ପାଇବ । ଏହି ବିମାନକୁ ଚଳାଇବାକୁ ଭାରତୀୟ ବାୟୁସେନାର ଏକ ଦଳ ଫ୍ରାନ୍ସରେ ତାଲିମ ନେଉଛନ୍ତି ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ଦଶହରା ଦିନ ସେ ରାଫେଲରେ କରିଥିବା ଶସ୍ତ୍ରପୂଜାକୁ ନେଇ ବିରୋଧୀଦଳ କରୁଥିବା ସମାଲୋଚନା ସଂପର୍କରେ ସେ କହିଛନ୍ତି ଯେ ସେମାନେ ଯାହା କହିବା କଥା କୁହନ୍ତୁ, ମୋତେ ଯାହା ଠିକ ଲାଗିଲା ତାହା କରିଛି, ଆଗକୁ ମଧ୍ୟ ସେପରି କରିବି ।
ମୋଦି ସରକାର ୨୦୧୬ରେ ୩୬ଟି ରାଫେଲ ବିମାନ ଯୋଗାଇବା ପାଇଁ ୫୯ ହଜାର କୋଟି ଟଙ୍କାର ଏକ ଚୁକ୍ତି କରିଥିଲେ । ଏହି ଚୁକ୍ତି ଫ୍ରାନ୍ସ ସରକାରଙ୍କ ସହ ହୋଇଥିଲା । ଆସନ୍ତା ୨୦୨୧ ସୁଦ୍ଧା ଚୁକ୍ତିହୋଇଥିବା ସମସ୍ତ ୩୬ଟି ରାଫେଲ ବିମାନ ଭାରତରେ ପହଞ୍ଚିବ ।