କଶ୍ମୀର ପ୍ରସଙ୍ଗରେ ମଧ୍ୟସ୍ଥତା ପାଇଁ ଅନେକ ଦେଶ ଆଗ୍ରହୀ, କେବଳ ଭାରତ ଚାହିଁଲେ ହେଲା : ପାକିସ୍ତାନ
ଇସ୍ଲାମାବାଦ : କଶ୍ମୀର ପ୍ରସଙ୍ଗରେ ଭାରତ ଓ ପାକିସ୍ତାନ ମଧ୍ୟରେ ମଧ୍ୟସ୍ଥତା କରିବାକୁ ଅନେକ ଦେଶ ରାଜି ଅଛନ୍ତି, କେବଳ ଭାରତ ଚାହିଁଲେ ହେଲା । ଏପରି କଥା କହିଛି ପାକିସ୍ତାନର ବୈଦେଶିକ ମନ୍ତ୍ରାଳୟ ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ବୈଦେଶିକ ମନ୍ତ୍ରାଳୟର ପ୍ରବକ୍ତା ମହମ୍ମଦ ଫୈଜଲ କହିଛନ୍ତି ଯେ କଶ୍ମୀର ପ୍ରସଙ୍ଗରେ ମଧ୍ୟସ୍ଥତା ପାଇଁ ଅନେକ ଦେଶ ପ୍ରସ୍ତାବ ଦେଇଛନ୍ତି। କିନ୍ତୁ ଏଥିଲାଗି ଭାରତ ରାଜି ହେଲା ପରେ ହିଁ କୌଣସି ପ୍ରକାରର ଅଗ୍ରଗତି ହୋଇପାରିବ । ଅନ୍ୟପକ୍ଷରେ କଶ୍ମୀର ଲୋକମାନଙ୍କ ଉପରେ ଭାରତ ଦମନଲୀଳା ଚଳାଇଥିବା ସେ ଅଭିଯୋଗ କରିଛନ୍ତି । ସୂଚନାଯୋଗ୍ୟ ଯେ କଶ୍ମୀର ପ୍ରସଙ୍ଗରେ ମଧ୍ୟସ୍ଥତା କରିବାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକାଧିକ ଥର ପ୍ରସ୍ତାବ ଦେଇଛନ୍ତି । ସେହିପରି ଚୀନ ମଧ୍ୟ ଏଥିରେ ମଧ୍ୟସ୍ଥତା କରିବାକୁ ପୂର୍ବରୁ ପ୍ରସ୍ତାବ ଦେଇଥିଲା । ଫୈଜଲ ଆହୁରି ମଧ୍ୟ କହିଛନ୍ତି ଯେ କର୍ତ୍ତାରପୁର କରିଡର ସ୍ଥାପନ ପାଇଁ ପାକିସ୍ତାନ ପ୍ରତିଶ୍ରୁତିବଦ୍ଧ । ଏହା ଧାର୍ଯ୍ୟ ସମୟରେ କାର୍ଯ୍ୟକାରୀ ହେବ ବୋଲି ସେ କହିଛନ୍ତି । ଏହି କରିଡର ପାକିସ୍ତାନରେ ଥିବା କର୍ତ୍ତାରପୁର ସାହେବ ଓ ଭାରତର ଗୁରୁଦାସପୁରଠାରେ ଥିବା ଡେରା ବାବା ନାନକ ସାହେବକୁ ସଂଯୋଗ କରିବ।