ତୁମର ଦୁଇ ପିଢ଼ି ବି କରିପାରିବନି ଏହି କାମ, ଅଟକାଇକି ତ ଦେଖାଅ: ଏମିତି କାହାକୁ କହିଲେ ଶାହା
ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଅଯୋଧ୍ୟାରେ ରାମ ଲାଲାଙ୍କ ଦର୍ଶନ ପରେ ଏକ ନିର୍ବାଚନ ରାଲିରେ ସମାଜବାଦୀ ପାର୍ଟି (ଏସପି) ମୁଖ୍ୟ ଅଖିଳେଶ ଯାଦବଙ୍କ ଉପରେ ବର୍ଷିଛନ୍ତି। ପ୍ରଧାନମନ୍ତ୍ରୀ ମୋଦୀ ଏବଂ ଯୋଗୀ ସରକାରଙ୍କ କାର୍ଯ୍ୟକୁ ପ୍ରଶଂସା କରିବା ସହିତ ଶାହା ଟ୍ରିପଲ ତଲାକ, ଧାରା ୩୭୦ ଏବଂ ରାମ ମନ୍ଦିରକୁ ନେଇ ଅଖିଳେଶ ଯାଦବଙ୍କୁ ତିନୋଟି ଆହ୍ୱାନ ଦେଇଥିଲେ। ଶାହା କହିଛନ୍ତି ଯେ ଅଖିଳେଶ ଯାଦବଙ୍କ ଦୁଇ ପିଢ଼ି ଆସିଲେ ମଧ୍ୟ ଧାରା ୩୭୦ ଓ ଟ୍ରିପଲ ତଲାକ ଫେରି ଆସିବ ନାହିଁ। ସେ ମଧ୍ୟ ରାମ ମନ୍ଦିର ନିର୍ମାଣ ବନ୍ଦ କରିବାକୁ ଚ୍ୟାଲେଞ୍ଜ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ଜନତା ପାର୍ଟିର ଜନ ବିଶ୍ୱାସ ଯାତ୍ରାର ସାଧାରଣ ସଭାରେ ଶାହା କହିଛନ୍ତି ଏସପି, ବିଏସପି, କଂଗ୍ରେସ ଏବଂ ମମତା ବାନାର୍ଜୀ ୩୭୦ ହଟାଇବାକୁ ବିରୋଧ କରିଥିଲେ। ସେବେଠାରୁ ଆମେ ସ୍ୱପ୍ନ ଦେଖୁଥିଲୁ ଆମର କଶ୍ମୀର ଭାରତର ଏକ ଅବିଚ୍ଛେଦ୍ୟ ଅଙ୍ଗ ହେବା ଉଚିତ ଏବଂ ଅଗଷ୍ଟ ୫, ୨୦୧୯ ରେ ମୋଦୀ ଜି ସଂସଦରେ ୩୭୦କୁ ହଟାଇ ଦେଇଛନ୍ତି। ଶାହା କହିଛନ୍ତି ଯେ ଯଦି ଅଖିଳେଶ ଭୋଟ୍ ମାଗିବା ପାଇଁ ଅଯୋଧ୍ୟାକୁ ଆସନ୍ତି, ତେବେ ପଚାରନ୍ତୁ କରସେବକଙ୍କର ଦୋଷ କ’ଣ ଥିଲା, ଆପଣଙ୍କ ସରକାର କାହିଁକି ତାଙ୍କ ଉପରେ ଗୁଳି ଚଳାଇଥିଲେ ଏବଂ ଧାରା ୩୭୦ର ନିୟମାବଳୀକୁ ରଦ୍ଦ କରିବାକୁ ଆପଣଙ୍କର ଆପତ୍ତି କାହିଁକି ଥିଲା?
ଶାହା କହିଛନ୍ତି, “ଯଦି ମୋଦୀ ଟ୍ରିପଲ ତଲାକ୍ ରଦ୍ଦ କରିଥିବାରୁ ଏହି ଲୋକମାନେ କାନ୍ଦୁଛନ୍ତି ଓ କହୁଛନ୍ତି ଟ୍ରିପଲ ତଲାକ ପୁଣି ଅଣାଯାଉ | ଅଖିଳେଶ ବାବୁ, ତୁମର ଦ୍ୱିତୀୟ ପିଢ଼ି ମଧ୍ୟ ଆସିଲେ ବି ୩୭୦ ଓ ଟ୍ରିପଲ ତଲାକ ଫେରି ଆସିବ ନାହିଁ। ସେ କହିଛନ୍ତି, “ଆଜି ମୁଁ ସମସ୍ତଙ୍କୁ କହିବାକୁ ଚାହେଁ ଯେଉଁମାନେ ରାମ ମନ୍ଦିର ନିର୍ମାଣ ଅଟକାଇବାକୁ ଚାହାଁନ୍ତି, ସେମାନେ ବନ୍ଦ କରିବାକୁ ଚେଷ୍ଟା କରନ୍ତୁ | କାହାରି ବି ଏହି ମନ୍ଦିରର ନିର୍ମାଣ ବନ୍ଦ କରିବାର ଶକ୍ତି ନାହିଁ’ |