କଶ୍ମୀର : କେନ୍ଦ୍ର ସରକାରଙ୍କ ଉପରେ ବଢୁଛି ଚାପ, ଡୋଭାଲଙ୍କୁ ଭେଟିଲେ ଗୃହମନ୍ତ୍ରୀ ଶାହା, ଶୁକ୍ରବାର ଆସିପାରେ ବଡ଼ ନିଷ୍ପତ୍ତି
ନୂଆଦିଲ୍ଲୀ : କଶ୍ମୀରରେ ଆତଙ୍କବାଦୀମାନଙ୍କ ଦ୍ବାରା ହିନ୍ଦୁମାନଙ୍କୁ ବାଛି ବାଛି ହତ୍ୟା କରିବାକୁ ନେଇ ସମଗ୍ର ଦେଶରେ ପ୍ରବଳ ପ୍ରତିକ୍ରିୟା ଓ ଅସନ୍ତୋଷ ଦେଖାଦେଇଛି । ଏହାକୁ ନେଇ କେନ୍ଦ୍ର ସରକାର ମଧ୍ୟ ଚିନ୍ତିତ ହୋଇପଡ଼ିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗୁରୁବାରଦିନ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସହ ଏକ ଜରୁରି ବୈଠକ କରିଛନ୍ତି । ବୈଠକରେ କଶ୍ମୀର ଉପତ୍ୟାକାର ସୁରକ୍ଷା ସ୍ଥିତି ସଂପର୍କରେ ଆଲୋଚନା କରାଯାଇଛି । ଆସନ୍ତା କାଲି ଅମିତ ଶାହା ଜମ୍ମୁ ଓ କଶ୍ମୀରର ଉପ-ରାଜ୍ୟପାଳ ମନୋଜ ସିହ୍ନା ଓ ଭାରତର ବାହ୍ୟ ଗୁଇନ୍ଦା ଏଜେନ୍ସି ର’ ମୁଖ୍ୟ ସାମନ୍ତ ଗୋଏଲଙ୍କୁ ଭେଟି ସ୍ଥିତି ସମ୍ପର୍କରେ ଆଲୋଚନା କରିବେ । ଏହା ପରେ ଆସନ୍ତା କାଲି ସରକାର ହିନ୍ଦୁମାନଙ୍କ ସୁରକ୍ଷା ପାଇଁ ଏକ ବଡ଼ ନିଷ୍ପତ୍ତି ନେବାର ସମ୍ଭାବନା ରହିଛି ।
ଏସବୁ ଆକ୍ରମଣ ପଛରେ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇର ଷଡ଼ଯନ୍ତ୍ର ଥିବା ସଂଦେହ କରାଯାଉଥିବାରୁ ତାହାର ମୁକାବିଲା ପାଇଁ ସରକାର ରଣକୌଶଳ ପ୍ରସ୍ତୁତ କରୁଛନ୍ତି ।
ଗତ କିଛି ଦିନ ହେଲା କଶ୍ମୀରରେ ସଂଖ୍ୟାଲଘୁ ହିନ୍ଦୁମାନଙ୍କ ଉପରେ ଆକ୍ରମଣ ମାମଲା ବଢିଯାଇଛି । ଗତ ମେ ୧ରୁ ଏପର୍ଯ୍ୟନ୍ତ ୮ ଜଣ ହିନ୍ଦୁଙ୍କୁ ହତ୍ୟା କରାଗଲାଣି । ସେମାନଙ୍କ ମଧ୍ୟରେ ରହିଛନ୍ତି ୫ ଜଣ ସାଧାରଣ ଲୋକ ଓ ୩ ଜଣ ସୁରକ୍ଷା କର୍ମୀ ।
ଗୁରୁବାରଦିନ କୁଲଗାମଠାରେ ରାଜସ୍ଥାନର ବିଜୟ କୁମାର ନାମକ ଜଣେ ବ୍ୟାଙ୍କ ମ୍ୟାନେଜରଙ୍କୁ ଆତଙ୍କବାଦୀମାନେ ଗୁଳି କରି ହତ୍ୟା କରିଛନ୍ତି । ତିନିଦିନ ତଳେ ରଜନି ବାଲାନାମକ ଜଣେ ଶିକ୍ଷୟିତ୍ରୀଙ୍କୁ ହତ୍ୟା କରାଯାଇଥିଲା ।