ଶାହା-ପାୱାରଙ୍କ ଭେଟକୁ ନେଇ ତେଜିଲା ବିବାଦ: କଂଗ୍ରେସ ପରେ ଏବେ ଶିବସେନା ଉଠାଇଲା ପ୍ରଶ୍ନ

ନୂଆଦିଲ୍ଲୀ: ଏନସିପି ଅଧ୍ୟକ୍ଷ ଶରଦ ପାୱାର ଓ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହାଙ୍କ ଭେଟାଭେଟି ହେବା ଖବର ସାମ୍ନାକୁ ଆସିବା ପରେ ଏହାକୁ ନେଇ କଂଗ୍ରେସ ପରେ ଏବେ ଶିବସେନା ପ୍ରଶ୍ନ ଉଠାଇଛି | କଂଗ୍ରେସ ନେତାମାନେ ଏହି ପ୍ରସଙ୍ଗକୁ ନେଇ ପ୍ରଶ୍ନ ଉଠାଇବା ପରେ ଆଜି ଶିବସେନା ସାଂସଦ ସଞ୍ଜୟ ରାଓତ କହିଛନ୍ତି ଯେ କିଛି କଥା ସ୍ପଷ୍ଟ ହୋଇଯିବା ଉଚିତ | ନଚେତ ଭ୍ରମ ସୃଷ୍ଟି ହୋଇପାରେ | ଏବେ ତ ଗୁଜବକୁ ସମାପ୍ତ କରନ୍ତୁ | ସଞ୍ଜୟ ରାଓତ ଟ୍ୱିଟ କରି ଲେଖିଛନ୍ତି ଯେ କିଛି କଥା ସମୟ ସହ ସ୍ପଷ୍ଟ ହୋଇଯିବା ଉଚିତ | ମୁଁ ବିଶ୍ୱାସର ସହିତ କହିପାରିବି ଯେ ଅହମ୍ମଦାବାଦରେ ଶରଦ ପାୱାର ଓ ଅମିତ ଶାହାଙ୍କ ମଧ୍ୟରେ କୌଣସି ଗୁପ୍ତ ବୈଠକ ହୋଇନାହିଁ |

कुछ बातें समय के साथ स्पष्ट हो जानी चाहिए, वरना भ्रम पैदा हो जाता है। मैं विश्वास के साथ कह सकता हूं कि शरद पवार जी और अमित शाह के बीच अमदाबाद या कहीं भी कोई गुप्त बैठक नहीं हुई है। अब तो अफवाहों का अंत करो। इससे कुछ हाथ नहीं लगेगा। pic.twitter.com/HpWnp1BBHd

— Sanjay Raut (@rautsanjay61) March 29, 2021

ସୂଚନା ଥାଉ କି ଗଣମାଧ୍ୟମରେ ଚର୍ଚ୍ଚା ମୁତାବକ ଏନସିପି ଅଧ୍ୟକ୍ଷ ଶରଦ ପାୱାରଙ୍କ ସହ ପ୍ରଫୁଲ୍ଲ ପଟେଲ ଓ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହାଙ୍କ ମଧ୍ୟରେ ଗୁପ୍ତ ବୈଠକ ହୋଇଥିଲା | ଆଉ ଏହାକୁ ନେଇ ମହାରାଷ୍ଟ୍ର ରାଜନୀତିରେ ଚାପା ଗୁଞ୍ଜରଣ ସୃଷ୍ଟି ହୋଇଥିଲା | ତେବେ ଗତକାଲି ଯେତେବେଳେ ଅମିତ ଶାହାଙ୍କୁ ଏବାବଦରେ ପଚରାଯାଇଥିଲା, ସେ କହିଥିଲେ ଯେ ସବୁ ବୈଠକର ତଥ୍ୟ ସାର୍ବଜନୀନ କରାଯାଇପାରିବ ନାହିଁ |