ଗୌହାଟୀ: କିଭଳି ଥିଲା ମହାଭାରତ ସହ ଉତ୍ତରପୂର୍ବ ଭାରତର ସମ୍ପର୍କ ଆଜି ଏ ବାବଦରେ କହିଛନ୍ତି କେନ୍ଦ୍ର ଗୃହ ମନ୍ତ୍ରୀ ତଥା ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା | ଉତ୍ତର ପୂର୍ବ କାଉନ୍ସିଲର ବୈଠକରେ ଯୋଗ ଦେଇ ଶାହା କହିଛନ୍ତି ଯେ ମହାଭାରତ ଯୁଦ୍ଧର ବବରୁବାହନ ଓ ଭୀମଙ୍କ ପୁଅ ଘଟୋକ୍ତଚ ଉଭୟ ଉତ୍ତରପୂର୍ବ ଭାରତର ହୋଇଥିବାବେଳେ ଗାଣ୍ଡୀବଧାରି ଅର୍ଜୁନଙ୍କର ବିବାହ ମଧ୍ୟ ମଣିପୁରରେ ହୋଇଥିଲା | ସେହିପରି ଶ୍ରୀ କୃଷ୍ଣଙ୍କର ନାତିର ବିବାହ ମଧ୍ୟ ଉତ୍ତର-ପୂର୍ବ ଭାରତରେ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନା ଥାଉ କି ଆସାମରେ ଏନଆରସି ତାଲିକା ପ୍ରକାଶ ପାଇବା ପରେ ଗୃହ ମନ୍ତ୍ରୀ ପ୍ରଥମ ଥର ପାଇଁ ଆସାମ ଗସ୍ତରେ ଯାଇଛନ୍ତି | ଆଜି ପୂର୍ବୋତ୍ତର ପରିଷଦ ବୈଠକରେ ଶାହା କହିଛନ୍ତି ଯେ ଅନୁଛେଦ ୩୭୧ ଏକ ବିଶେଷ ବ୍ୟବସ୍ଥା ହୋଇଥିବାବେଳେ ବିଜେପି ସରକାର ଅନୁଛେଦ ୩୭୧କୁ ସମ୍ମାନ ଦେଇଥାଏ ଏବଂ କୌଣସି ପ୍ରକାର ପରିବର୍ତ୍ତନ କରିବ ନାହିଁ |
ପ୍ରକୃତରେ ଏହି ବୈଠକ ଅଗଷ୍ଟ ୪ ତାରିଖରେ ହେବାକୁ ଥିଲା | କିନ୍ତୁ ଅଗଷ୍ଟ ୫ ତାରିଖରେ ଅନୁଛେଦ ୩୭୦ ହଟାଇବାକୁ ଯୋଜନା କରାଯାଇଥିବାରୁ ଏହି ବୈଠକକୁ ରଦ୍ଦ କରାଯାଇଥିଲା | ଏହି ବୈଠକରେ ପୂର୍ବ ଭାରତର ୮ଟି ରାଜ୍ୟର ମୁଖ୍ୟମନ୍ତ୍ରୀ ଓ ରାଜ୍ୟପାଳ ସାମିଲ ହୋଇଛନ୍ତି | ଏହି ଅଵସରରେ ଶାହା ପୂର୍ବ ଭାରତରେ ଚାଲିଥିବା ବିକାଶ କାର୍ଯ୍ୟର ସମୀକ୍ଷା କରିବେ |