ଚିନ୍ମୟ ଦାସଙ୍କ ଗିରଫଦାରୀକୁ ହସିନାଙ୍କ ନିନ୍ଦା

ନୂଆଦିଲ୍ଲୀ: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନା ଗୁରୁବାର ହିନ୍ଦୁ ଆଧ୍ୟାତ୍ମିକ ଗୁରୁ ଚିନ୍ମୟ କୃଷ୍ଣଦାସଙ୍କ ଗିରଫଦାରୀକୁ ନିନ୍ଦା କରିବା ସହ ତାଙ୍କୁ ତୁରନ୍ତ ମୁକ୍ତ କରାଯାଉ ବୋଲି କହିଛନ୍ତି। ଦେଶଦ୍ରୋହ ଅଭିଯୋଗରେ ଦାସଙ୍କୁ ଗିରଫ କରାଯାଇଥିଲା। ଶେଖ୍ ହସିନା ଏକ ବିବୃତ୍ତିରେ କହିଛନ୍ତି, ସନାତନ ଧର୍ମର ଜଣେ ଶୀର୍ଷ ଆଧ୍ୟାତ୍ମିକ ନେତାଙ୍କୁ ଅନ୍ୟାୟ ଭାବେ ଗିରଫ କରାଯାଇଛି, ତାଙ୍କୁ ତୁରନ୍ତ ମୁକ୍ତ କରାଯାଉ।

ଆୱାମୀ ଲିଗ୍ ପକ୍ଷରୁ 'ଏକ୍ସ' ଉପରେ କରାଯାଇଥିବା ଏକ ପୋଷ୍ଟରେ ହସିନା କହିଛନ୍ତି, ଚିଟଗାଙ୍ଗରେ ଏକ ମନ୍ଦିର ଜଳିଯାଇଛି। ପୂର୍ବରୁ ଅହମ୍ମଦିଆ ସମ୍ପ୍ରଦାୟର ମସଜିଦ, ପୀଠ, ଚର୍ଚ୍ଚ, ମଠ ଓ ଘରେ ଆକ୍ରମଣ, ଭଙ୍ଗାରୁଜା, ଲୁଟ୍ ଓ ନିଆଁ ଲଗାଇ ଦିଆଯାଇଥିଲା। ଧାର୍ମିକ ସ୍ୱାଧୀନତା ଏବଂ ସମସ୍ତ ସମ୍ପ୍ରଦାୟର ଲୋକଙ୍କ ଜୀବନ ଓ ସମ୍ପତ୍ତିର ସୁରକ୍ଷା ସୁନିଶ୍ଚିତ ହେବା ଦରକାର। 

ବାଂଲାଦେଶରେ ଆୱାମୀ ଲିଗ୍ ସରକାରଙ୍କ ନେତୃତ୍ୱରେ ବିବାଦୀୟ ଚାକିରି ସଂରକ୍ଷଣ ବ୍ୟବସ୍ଥା ବିରୋଧରେ ବ୍ୟାପକ ବିରୋଧ ପରେ ହସିନା ଅଗଷ୍ଟ ୫ ରେ ଭାରତରେ ଆଶ୍ରୟ ନେଇଥିଲେ। ତିନି ଦିନ ପରେ ନୋବେଲ ବିଜେତା ୟୁନୁସ ସଲିମ ଅନ୍ତରୀଣ ସରକାରଙ୍କ ମୁଖ୍ୟ ପରାମର୍ଶଦାତା ଭାବେ ଦାୟିତ୍ୱ ଗ୍ରହଣ କରିଥିଲେ।