ବିଜେପି ଉପରେ ବର୍ଷିଲେ ଶରଦ ପାୱାର: ଦେଶମୁଖଙ୍କୁ କ୍ଲିନଚିଟ୍ ଦେଇ କହିଲେ ପ୍ରତି ଘଣ୍ଟାର ମୂଲ୍ୟ ଆଦାୟ କରାଯିବ
ନୂଆଦିଲ୍ଲୀ: ଏନସିପି ମୁଖ୍ୟ ଶରଦ ପାୱାର ନାଗପୁରଠାରେ ବିଜେପି ଉପରେ ପ୍ରବଳ ବର୍ଷିଛନ୍ତି । ସେ ପୂର୍ବ ଗୃହମନ୍ତ୍ରୀ ଅନିଲ ଦେଶମୁଖଙ୍କୁ କ୍ଲିନଚିଟ୍ ଦେଇ କହିଛନ୍ତି ଯେ, ଅନିଲ ଦେଶମୁଖଙ୍କ ଗିରଫର ପ୍ରତିଦିନ ଓ ପ୍ରତି ଘଣ୍ଟାର ମୂଲ୍ୟ ଆଦାୟ କରାଯିବ । ଏହାସହ ଉକ୍ତ ସଭାରେ ପାୱାର କେନ୍ଦ୍ରୀୟ ଯାଞ୍ଚ ଏଜେନ୍ସିର ପକ୍ଷପାତିତା ନେଇ ବି ଅଭିଯୋଗ କରିଛନ୍ତି । ସେ କହିଛନ୍ତି ଯେ, ଆମେ ମହାରାଷ୍ଟ୍ରର ବିକାଶକୁ ଆଗକୁ ନେବାକୁ ଚାହୁଁଥିବା ବେଳେ କିଛି ଲୋକ ଏହାକୁ ବରଦାସ୍ତ କରିପାରୁ ନାହାଁନ୍ତି । ହାତରୁ କ୍ଷମତା ଚାଲିଗଲା ପରେ କିଛି ଲୋକ ଅସ୍ତବ୍ୟସ୍ତ ହୋଇ ଦିଲ୍ଲୀର ସହାୟତାରେ ମହାରାଷ୍ଟ୍ର ସରକାରକୁ ଭାଙ୍ଗିବାକୁ ଚେଷ୍ଟା କରୁଛନ୍ତି । ଏହାସହ ଏନସିପି, କଂଗ୍ରେସ ଓ ଶିବସେନାର ନେତାମାନଙ୍କ ବିରୋଧରେ କେନ୍ଦ୍ରୀୟ ଏଜେନ୍ସି ଲଗାଇ ହଇରାଣ କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ମୁମ୍ବାଇ ପୂର୍ବତନ ପୁଲିସ କମିସନର ପରମବୀର ସିଂଙ୍କୁ ଟାର୍ଗେଟ କରି ପାୱାର କହିଛନ୍ତି ଯେ, ରାଜ୍ୟ ସରକାର ତାଙ୍କୁ ପଳାତକ ଘୋଷିତ କରିଛନ୍ତି ସତ ହେଲେ ଜଣେ ପୁଲିସ କମିସନର ଏଭଳି ଗାଏବ ହୋଇଯିବାଟା ସହଜରେ ଗ୍ରହଣ କରାଯାଇ ପାରିବ ନାହିଁ ।