ନରମିଲା ଶିବସେନା, ଆଲୋଚନା ଲାଗି ଗଡକରୀଙ୍କୁ ପଠାଇବାକୁ ଆରଏସଏସକୁ ପ୍ରସ୍ତାବ ଦେଲା
ମୁମ୍ବାଇ : ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବାର ଦୁଇ ସପ୍ତାହ ହୋଇଯାଇଥିଲେ ମଧ୍ୟ ସରକାର ଗଠନ ନେଇ ଅନିଶ୍ଚିତତା ଜାରି ରହିଛି । ମୁଖ୍ୟମନ୍ତ୍ରୀ ପଦ ପାଇଁ ଶିବସେନା ଜିଦ ଧରିଥିବାବେଳେ ବିଜେପି ମଧ୍ୟ ମୁଖ୍ୟମନ୍ତ୍ରୀ ପଦ ନେଇ କୌଣସି ସାଲିସ କରୁନାହିଁ । ତେବେ ସ୍ଥିତିର ସମାଧାନ ବାହାରୁ ନଥିବାରୁ ଶିବସେନା କହିଛି ଯେ କେନ୍ଦ୍ରମନ୍ତ୍ରୀ ନିତିନ ଗଡକରୀ ଏହି ପ୍ରସଙ୍ଗରେ ଆଲୋଚନା କରନ୍ତୁ । ସେ ଚାହିଁଲେ ୨ ଘଣ୍ଟାରେ ସମାଧାନ ବାହାରି ଯିବ ।
Sambad is now on WhatsApp
Join and get latest news updates delivered to you via WhatsApp
ଶିବସେନା ନେତା କିଶୋର ତିଓ୍ଵାରୀ କହିଛନ୍ତି ଯେ ସେ ଆରଏସଏସମୁଖ୍ୟ ମୋହନ ଭାଗବତଙ୍କୁ ଏକ ପତ୍ର ଲେଖି ଗଡକରୀଙ୍କୁ ଆଲୋଚନା ଲାଗି ପଠାଇବାକୁ ଅନୁରୋଧ କରିଛନ୍ତି ।
ଏହାପୂର୍ବରୁ ଶିବସେନା ମୁଖପାତ୍ର ସଂଜୟ ରାଉତ କହିଥିଲେ ଯେ ସରକାର ଗଠନ ନେଇ ଏନସିପି ସହିତ କଥାବାର୍ତ୍ତା ଚାଲିଛି । କିନ୍ତୁ ଏନସିପି ମୁଖ୍ୟ ଶରଦ ପଓ୍ଵାର ମୁଖ୍ୟମନ୍ତ୍ରୀ ହେବେ ନାହିଁ, ନୂଆ ମୁଖ୍ୟମନ୍ତ୍ରୀ ଶିବସେନାରୁ ହିଁ ହେବ ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଏଥର ମହାରାଷ୍ଟ୍ରରେ କିଏ ମୁଖ୍ୟମନ୍ତ୍ରୀ ହେବ ତାହା ରାଜ୍ୟ ଭିତରେ ହିଁ ନିଷ୍ପତ୍ତି ନିଆଯିବ ।