ମଧ୍ୟପ୍ରଦେଶରେ ବିଜେପି ସରକାର, ୪ର୍ଥ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଶିବରାଜ
ଭୋପାଳ : ସାରା ଦେଶରେ କରୋନା ଭାଇରସ ସଂକ୍ରମଣକୁ ନେଇ ଏକ ଚିନ୍ତାଜନକ ପରିସ୍ଥିତି ସୃଷ୍ଟି ହୋଇଥିବାବେଳେ ମଧ୍ୟପ୍ରଦେଶରେ ଶିବରାଜ ସିଂ ଚୌହାନଙ୍କ ନେତୃତ୍ୱରେ ନୂଆ ସରକାର ଶପଥ ଗ୍ରହଣ କରିଛି । ଶିବରାଜ ୪ର୍ଥ ଥର ପାଇଁ ରାଜ୍ୟର ମୁଖ୍ୟମନ୍ତ୍ରୀଭାବେ ଶପଥ ଗ୍ରହଣ କରିଛନ୍ତି । ଗତ ଗୁରୁବାରଦିନ କମଲନାଥ ଇସ୍ତଫା ଦେବା ପରେ ରାଜ୍ୟରେ ଚାଲିଥିବା କଂଗ୍ରେସ ଶାସନର ଅବସାନ ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସ ଛାଡ଼ି ବିଜେପିରେ ଯୋଗ ଦେବାପରେ ତାଙ୍କ ଅନୁଗତ ୨୨ ବିଧାୟକ କଂଗ୍ରେସ ସରକାରରୁ ସମର୍ଥନ ପ୍ରତ୍ୟାହାର କରିନେବା ସହ ଇସ୍ତଫା ଦେଇଥିଲେ । ଏହା ପରେ କଂଗ୍ରେସ ସରକାର ସଂଖ୍ୟାଲଘୁ ହୋଇଯାଇଥିଲା । ଗତ ଗୁରୁବାରଦିନ ଆସ୍ଥାଭୋଟ ପାଇଁ ଦିନ ଧାର୍ଯ୍ୟ ହୋଇଥିଲେ ମଧ୍ୟ ତା ପୂର୍ବରୁ କମଲନାଥ ଇସ୍ତଫା ଦେଇଥିଲେ । ଗତକାଲି କଂଗ୍ରେସ ଛାଡ଼ିଥିବା ୨୨ ବିଧାୟକ ବିଜେପିରେ ଯୋଗ ଦେଇଥିଲେ । ଗତ ଡିସେମ୍ବର ୨୦୧୮ରେ ମଧ୍ୟପ୍ରଦେଶରେ କମଳନାଥଙ୍କ ନେତୃତ୍ୱରେ କଂଗ୍ରେସ ସରକାର କ୍ଷମତାକୁ ଆସିଥିଲା