କର୍ଣ୍ଣଲ: କେନ୍ଦ୍ରମନ୍ତ୍ରୀ ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ବଡ ପୁଅ କାର୍ତ୍ତିକେୟ ହରିୟାଣାର ଜ୍ବାଇଁ ହେବେ। କାର୍ତ୍ତିକେୟ ଦେଶର ପ୍ରସିଦ୍ଧ ଲିବର୍ଟି ଜୋତା କମ୍ପାନିର କାର୍ଯ୍ୟନିର୍ବାହୀ ନିର୍ଦ୍ଦେଶକ ଅନୁପମ ବଂସାଲଙ୍କ ଝିଅଙ୍କୁ ବିବାହ କରିବେ। ସେମାନଙ୍କର ନିର୍ବନ୍ଧ ଶେଷ ହୋଇଛି।
ଅନୁପମ ବଂସଲ ପରିବାରର ସବୁଠାରୁ କନିଷ୍ଠ। ତାଙ୍କର ବଡ ଭାଇ ହେଉଛନ୍ତି ଶ୍ୟାମି ବଂସାଲ, ସେ କମ୍ପାନିର ଏମଡି ଅଟନ୍ତି। ଦ୍ୱିତୀୟ ଭାଇ ରମଣ ବଂସାଲ ଥିବାବେଳେ ଏବଂ ଅନୁପମ ସାନପୁଅ। ଶ୍ୟାମି ଏବଂ ରମଣ କର୍ଣ୍ଣଲରେ ରହୁଥିବାବେଳେ ଅନୁପମ ଗୁରୁଗ୍ରାମରେ ରୁହନ୍ତି।
ସେପ୍ଟେମ୍ବର ମାସରେ ଏସମ୍ପର୍କ ବିଷୟରେ ଶିବରାଜ ସୂଚନା ଦେଇଥିଲେ। ଶିବରାଜ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଥିଲେ। ଏହି ସମୟରେ ଶିବରାଜଙ୍କ ପତ୍ନୀ ସାଧନା ଏବଂ ଉଭୟ ପୁଅ କାର୍ତ୍ତିକେୟ ଏବଂ କୁନାଲ ଉପସ୍ଥିତ ଥିଲେ। ବଡ଼ପୁଅର ନିର୍ବନ୍ଧ ହେବାର ଗୋଟିଏ ଦିନ ପୂର୍ବରୁ ଶିବରାଜ ପ୍ରଧାନମନ୍ତ୍ରୀ ମୋଦୀଙ୍କୁ ଉଭୟ ପୁଅଙ୍କ ବିବାହ ଉତ୍ସବରେ ଯୋଗଦେବାକୁ ନିମନ୍ତ୍ରଣ କରିଥିଲେ।
आदरणीय प्रधानमंत्री श्री @narendramodi जी से अपनी धर्मपत्नी साधना और दोनों बेटों कार्तिकेय-कुणाल के साथ भेंट की।
— Shivraj Singh Chouhan (@ChouhanShivraj) October 17, 2024
हमने प्रधानमंत्री जी को दोनों बेटों की शादी में आने का निमंत्रण दिया और उनसे आशीर्वाद लिया।
स्नेह, प्रेम, आत्मीयता और अपनेपन से भरे आदरणीय प्रधानमंत्री जी अभिभावक और… pic.twitter.com/s1MiEXSf3A
ଶିବରାଜଙ୍କ ସାନପୁଅ କୁନାଲ ସିଂ ଚୌହାନଙ୍କର ନିର୍ବନ୍ଧ ଚାରିମାସ ପୂର୍ବରୁ ହୋଇଥିଲା। ମଧ୍ୟପ୍ରଦେଶର ରାଜଧାନୀ ଭୋପାଳରେ କୁନାଲ ଡାକ୍ତର ଇନ୍ଦ୍ରମଲ ଜୈନଙ୍କ ନାତୁଣୀ ରିଦ୍ଧି ଜୈନଙ୍କ ସହ ତାଙ୍କର ନିର୍ବନ୍ଧ ହୋଇଥିଲା। ରିଦ୍ଧି ଏବଂ କୁନାଲ ଏକାଠି ଅଧ୍ୟୟନ କରୁଥିଲେ।
ଏବେ ବଡ଼ ପୁଅର ନିର୍ବନ୍ଧ ଶେଷ ହୋଇଛି। କିଛି ଦିନ ପରେ ଉଭୟ ପୁଅଙ୍କର ବିବାହ ହେବ।