ଭାରତରେ କରୋନାର ୨ୟ ଲହର ପାଇଁ କେନ୍ଦ୍ର ସରକାର ଓ ନିର୍ବାଚନ ଆୟୋଗଙ୍କୁ ଦାୟୀ କଲା ଶିବସେନା
ମୁମ୍ବାଇ : ଭାରତରେ କରୋନା ମହାମାରୀର ୨ୟ ଲହର ପାଇଁ କେନ୍ଦ୍ର ସରକାର ଓ ନିର୍ବାଚନ ଆୟୋଗକୁ ଦାୟୀ କରିଛି ଶିବସେନା । ରାଜନୀତି ପାଇଁ ଏମାନେ ଦେଶକୁ କରୋନା ମହାମାରୀ କବଳକୁ ଠେଲଦେଲେ ବୋଲି ଦଳ ଅଭିଯୋଗ କରିଛି ।
Sambad is now on WhatsApp
Join and get latest news updates delivered to you via WhatsApp
ଶିବସେନା ପକ୍ଷରୁ କୁହାଯାଇଛି ଯେ ଚୀନ କୋରନା ସଂକ୍ରମଣର ଜନ୍ମସ୍ଥଳୀ ହୋଇଥିଲେ ବି ଭାରତରେ ୨ୟ ପର୍ଯ୍ୟାୟ ସଂକ୍ରମଣ କେନ୍ଦ୍ର ସରକାର ଓ ନିର୍ବାଚନ ଆୟୋଗ ଯୋଗୁଁ ହୋଇଛି । ବିଭିନ୍ନ ରାଜ୍ୟରେ ଚାଲିଥିବା ନିର୍ବାଚନ ଯୋଗୁଁ ଦେଶରେ କରୋନା ସଂକ୍ରମଣ ସଂଖ୍ୟା ଚିନ୍ତାଜନକଭାବେ ବଢିଚାଲିଛି । ଯେଉଁ ଯେଉଁ ରାଜ୍ୟରେ ନିର୍ବାଚନ ହେଉଛି ସେଠାରେ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଉଛି । ସେହିପରି କେନ୍ଦ୍ର ସରକାରଙ୍କୁ ସମାଲୋଚନା କରି ଶିବସେନା ପକ୍ଷରୁ କୁହାଯାଇଛି କେନ୍ଦ୍ର ସରକାର ଯଦି ଟିକା ରାଜନୀତିରେ ବ୍ୟସ୍ତ ନ ରହି ମହାମାରୀକୁ ନିୟନ୍ତ୍ରଣ କରିବାରେ ମନ ଦେଇଥାନ୍ତେ ତେବେ ଭାରତକୁ ଆଜି ଏପରି ପରିସ୍ଥିତି ଦେଖିବାକୁ ପଡ଼ିନଥାନ୍ତା । ନିଜର ରାଜନୈତିକ ସ୍ବାର୍ଥ ଯୋଗୁଁ ଓ ନିର୍ବାଚନ ଯୋଗୁଁ କେନ୍ଦ୍ର କରୋନାର ୨ୟ ଲହରୀ ସୃଷ୍ଟି କରିଦେଲେ । ଦେଶରେ ଏବେ ଟିକା, ରାମଡେସଭିର ଓ ଅକ୍ସିଜେନର ଅଭାବ ପରିଲକ୍ଷିତ ହେଉଛି ।
ସୂଚନାଯୋଗ୍ୟ ଯେ, ଗତ କାଲି ଦେଶରେ ପ୍ରାୟ ୨ ଲକ୍ଷ ୩୪ ହଜାର ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହା ସହିତ ୧୩୪୧ ଜଣ ମୃତ୍ୟୁବରଣ କରିଛନ୍ତି ।