ଦୋଷ ଲୁଚାଇବାକୁ ସୋନୁଙ୍କୁ ଟାର୍ଗେଟ କଲା ଶିବସେନା!

ମୁମ୍ବାଇ: ବଲିଉଡ ଅଭିନେତା ସୋନୁ ସୁଦ ତାଙ୍କ ଖର୍ଚ୍ଚରେ ପ୍ରବାସୀ ଶ୍ରମିକଙ୍କୁ ଘରକୁ ପଠାଇ ସମସ୍ତଙ୍କ ହୃଦୟ ଜିତୁଥିବାବେଳେ ଏହାକୁ ମହାରାଷ୍ଟ୍ରରେ ଶାସନ କରୁଥିବା ଶିବସେନାକୁ ପସନ୍ଦ ଆସିନାହିଁ | ଶିବସେନା, ଅଭିନେତା ସୋନୁ ସୁଦଙ୍କୁ ବିଜେପିର ମୋହରା ବୋଲି କହିଛି । ଶିବସେନା ମୁଖପତ୍ର ସାମନାରେ ଦଳର ନେତା ସଞ୍ଜୟ ରାଓତ ଲେଖିଛନ୍ତି ଯେ ସରକାରଙ୍କୁ ଆକ୍ରମଣ କରିବା ପାଇଁ ବିଜେପି ସୋନୁ ସୁଦଙ୍କୁ ବ୍ୟବହାର କରୁଛି |ମହାରାଷ୍ଟ୍ରର ସାମାଜିକ କାର୍ଯ୍ୟର ଏକ ଦୀର୍ଘ ପରମ୍ପରା ରହିଛି, ଏଥିରେ ମହାନ ସମାଜସେବୀ ମହାତ୍ମା ଜ୍ୟୋତିବା ଫୁଲେ ଏବଂ ବାବା ଆମ୍ଟେ ସାମିଲ ହୋଇଛନ୍ତି |

Free Press Journal

ବର୍ତ୍ତମାନ ଏହି ତାଲିକାରେ ଆଉ ଜଣେ ବ୍ୟକ୍ତି ଯୋଗ ଦେଇଛନ୍ତି, ସେ ହେଉଛନ୍ତି ସୋନୁ ସୁଦ। " ସଞ୍ଜୟ ରାଓତ ଏହି ଆଲେଖ୍ୟରେ ଲେଖିଛନ୍ତି ଯେ ଲକଡାଉନ୍ ସମୟରେ ହଠାତ୍ ସୋନୁ ସୁଦ ନାମକ ଏକ ନୂତନ ମହାପୁରୁଷ ପ୍ରସ୍ତୁତ ହୋଇଯାଇଥିଲେ । ପ୍ରବାସୀ ଶ୍ରମିକମାନଙ୍କୁ ଘରକୁ ପଠାଉଥିବାରୁ ତାଙ୍କୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି | ଏପରିକି ରାଜ୍ୟପାଳ ମଧ୍ୟ ତାଙ୍କୁ ପ୍ରଶଂସା କରିଥିଲେ।

ତେବେ ଏହି ଅଭିଯାନ ପଛରେ ସୋନୁ ସୁଦ କେବଳ ଏକ ମୋହରା । ମହାରାଷ୍ଟ୍ରର କିଛି ରାଜନୈତିକ ଦଳ ଉଦ୍ଧବ ସରକାରଙ୍କୁ ଦୋଷ ଦେବା ପାଇଁ ସୋନୁ ସୁଦଙ୍କୁ ବ୍ୟବହାର କରୁଛନ୍ତି। ଏହି ଲୋକମାନେ ସୋନୁ ସୁଦଙ୍କୁ ସୁପରହିଟ୍ ଭାବରେ ଉପସ୍ଥାପନ କରୁଛନ୍ତି। ସେମାନେ ସଫଳ ହୋଇଛନ୍ତି, କିନ୍ତୁ ରାଜ୍ୟ ସରକାରଙ୍କ ସାହାଯ୍ୟ ବିନା ସେମାନେ କିଛି କରିପାରି ନଥାନ୍ତେ |