ଚଳନ୍ତା ଟ୍ରେନରେ ମିଳିବ ସପିଂର ସୁବିଧା
ମୁମ୍ବାଇ: ଚଳନ୍ତା ଟ୍ରେନରେ ସପିଂର ସୁବିଧା ଯୋଗାଇ ଦେଇ ଏବେ ରୋଜଗାର କରିବାକୁ ଚାହୁଁଛି ରେଳବାଇ। ଏଥିପାଇଁ ଖୁବ ଶୀଘ୍ର ପଶ୍ଚିମ ରେଳବାଇର ୧୬ଟି ମେଲ୍ ଓ ଏକ୍ସପ୍ରେସ୍ ଟ୍ରେନ୍ରେ ଏହି ବ୍ୟବସ୍ଥା କରାଯିବ। ମେସର୍ସ ଏଚ ଭି ଏନ୍ ପ୍ରାଇଭେଟ୍ ଲିମିଟେଡ ନାମକ ଏକ କଂପାନିକୁ ୫ ବର୍ଷର ଅବଧି ଲାଗି ୩.୬୬ କୋଟି ଟଙ୍କାର ଏହି ଠିକା ଦିଆଯାଇଥିବା ଜଣାଯାଇଛି। ଯୋଜନା ଅନୁଯାୟୀ ଟ୍ରେନ୍ରେ ଏଥିଲାଗି ଜାଗା ଦିଆଯିବ। ଯେଉଁଠି ଦୋକା ଖୋଲାଯାଇ ବିଶିଷ୍ଟ ସପିଂ କୋର୍ଟ ରହିବ। ଯାତ୍ରୀ କେବଳ ନଗଦ ଟଙ୍କା ନୁହେଁ,ବରଂ କ୍ରେଡିଟ୍ , ଡେବିଟ୍ କାର୍ଡ ଜରିଆରେ ମଧ୍ୟ କିଣାକିଣି କରିପାରିବେ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ପର୍ଯ୍ୟାୟରେ ତିନିଟି ଟ୍ରେନ୍ରେ ଏହି ବ୍ୟସ୍ଥାର ଶୁଭାରମ୍ଭ ହେବ। ଏଥିମଧ୍ୟରୁ ମୁମ୍ବାଇ-ଅହମ୍ମଦବାଦ୍ ଶତାବ୍ଦୀ ଏକ୍ସପ୍ରେସର ନାଆଁ ରହିଛି। ପଶ୍ଚିମ ରେଳବାଇର ଲୋକ ସଂପର୍କ ଅଧିକାରୀ ରବୀନ୍ଦ୍ର କୁମାର କହିଛନ୍ତି ଯେ ଟ୍ରେନରେ ଯାତ୍ରୀମାନଙ୍କୁ ସୌନ୍ଦର୍ଯ୍ୟ,ହୋମ୍ ଓ କିଚେନ୍ ଉପକରଣ ଓ ଅନ୍ୟାନ୍ୟ ଫିଟ୍ନେସ ସାମଗ୍ରୀ ମଧ୍ୟ ମିଳିବ। ତେବେ ତମାଖୁ,ସିଗାରେଟ ଓ ଗୁଟ୍ଖା ଆଦି ବିକ୍ରି ହେବ ନାହିଁ। ଟ୍ରେନରେ ସକାଳ ୮ଟାରୁ ରାତି ୯ଟା ଯାଏଁ ଏହି ସାମଗ୍ରୀ ବିକ୍ରି କରାଯିବ ଲାଗି ଅନୁମତି ଦିଆଯାଇଛି।