କର୍ଣ୍ଣାଟକରେ ‘ଅପରେସନ ଲୋଟସ’ ଚଳେଇଛି ବିଜେପି: ସିଦ୍ଧରମୟା
ବେଙ୍ଗାଲୁର: ନିର୍ବାଚନ ପୂର୍ବରୁ ବିଜେପି ବିରୋଧରେ ଅଭିଯୋଗ ଆଣିଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୟା। ସେ ଅଭିଯୋଗ କରିଛନ୍ତି ଯେ ଲୋକସଭା ନିର୍ବାଚନ ପୂର୍ବରୁ ଦକ୍ଷିଣ ରାଜ୍ୟରେ ‘ଅପରେସନ୍ ଲୋଟସ୍’ କରିବାକୁ ବିଜେପି ଚେଷ୍ଟା କରୁଛି। ଏକ ଗଣମାଧ୍ୟମ ପ୍ରତିନିଧିଙ୍କ ସହ କଥା ହୋଇ ସେ ଏକ ସ୍ବତନ୍ତ୍ର ସାକ୍ଷାତକାରରେ ଦାବି କରିଛନ୍ତି ଯେ ଦଳ ବଦଳାଇବା ପାଇଁ କଂଗ୍ରେସର ବିଧାୟକମାନଙ୍କୁ ବିଜେପି ୫୦ କୋଟି ଟଙ୍କା ପ୍ରଦାନ କରୁଥିଲା।
Sambad is now on WhatsApp
Join and get latest news updates delivered to you via WhatsApp
ସିଦ୍ଧରମୟାଙ୍କୁ ଯେତେବେଳେ ପଚରାଗଲା କି ଯଦି ଲୋକସଭା ନିର୍ବାଚନରେ କଂଗ୍ରେସ ହାରିଯାଉଛି ତ ଦଳ ଭାଙ୍ଗିଯିବ କି, ତାହାର ପ୍ରତିକ୍ରିୟା ଦେଇ ସେ କର୍ଣ୍ଣାଟକରେ ଯଦି ବିରାଟ ପୁରୁଣା ଦଳ ଲୋକସଭା ନିର୍ବାଚନରେ ହାରିଯାଏ ତେବେ ତାଙ୍କ ଅଧୀନରେ ଥିବା କଂଗ୍ରେସ ଦଳ ଭାଙ୍ଗିବ ନାହିଁ ବୋଲି ସେ ନିଜର ଆତ୍ମ ବିଶ୍ବାସ ପ୍ରକଟ କରିଛନ୍ତି।
ସିଦ୍ଧରମୟା ଇଣ୍ଡିଆ ଟୁଡେ ଟିଭିକୁ ଆହୁରି ବି କହିଛନ୍ତି କି, “ସେମାନେ ବର୍ଷ ବର୍ଷ ଧରି ଆମ ସରକାରକୁ ଭାଙ୍ଗିବାକୁ ଚେଷ୍ଟା କରୁଛନ୍ତି। ଆମ ବିଧାୟକମାନଙ୍କୁ ୫୦ କୋଟି ଟଙ୍କା ପ୍ରଦାନ କରାଯାଇଥିଲା। ସେମାନେ ଚେଷ୍ଟା କରିଥିଲେ ଏବଂ ବିଫଳ ହୋଇଥିଲେ।”
ସେ ନିଜ ଦଳର ସଦସ୍ୟମାନଙ୍କ ଉପରେ ଆସ୍ଥା ପ୍ରକଟ କରି କହିଛନ୍ତି, ‘‘କୌଣସି ପରିସ୍ଥିତିରେ ବି ସମ୍ଭବ ନୁହେଁ। ଆମର ବିଧାୟକମାନେ ଦଳ ଛାଡ଼ି ଯିବେନାହିଁ। ଗୋଟିଏ ବି ବିଧାୟକ ଦଳ ଛାଡିବେ ନାହିଁ”।