ବାପାଙ୍କର ମୁଖ୍ୟମନ୍ତ୍ରୀ ହେବାକୁ ଇଚ୍ଛା ଅଛି: ନିର୍ବାଚନ ପୂର୍ବରୁ ଆରମ୍ଭ ହେଲାଣି ଟଣାଟଣି
ବେଙ୍ଗାଲୁରୁ: ଆସନ୍ତା ମାସରେ କର୍ଣ୍ଣାଟକରେ ବିଧାନସଭା ନିର୍ବାଚନ ହେବାକୁ ଯାଉଛି। କଂଗ୍ରେସ ଏପର୍ଯ୍ୟନ୍ତ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରି ନାହିଁ, କିନ୍ତୁ ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ବିରୋଧୀ ଦଳର ନେତା ସିଦ୍ଧରମୈୟାଙ୍କ ଇଚ୍ଛା ଏବେ ଜଣାପଡ଼ିଯାଇଛି | ବର୍ତ୍ତମାନ ତାଙ୍କ ପୁଅ ତଥା ବରୁଣାରୁ ବିଧାୟକ ଥିବା ୟତିନ୍ଦ୍ର କହିଛନ୍ତି ଯେ ସେ ତାଙ୍କ ପିତାଙ୍କୁ ପୁଣିଥରେ ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହୁଁଛନ୍ତି। ମାଣ୍ଡ୍ୟା ଜିଲ୍ଲାର ମାଲାବଲୀରେ ଭାଷଣ ଦେଇ ୟତିନ୍ଦ୍ର କହିଛନ୍ତି, “ପୁଅ ଭାବେ ମୁଁ ମୋ ବାପାଙ୍କୁ କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହେଁ। ଅବଶ୍ୟ, ମୋ ବାପା ଏହା ମଧ୍ୟ କହିଛନ୍ତି ଯେ ସେ ପୁଣିଥରେ ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ରାଜ୍ୟକୁ ବିକାଶ ପଥରେ ନେବେ। ପ୍ରକାଶ ଥାଉକି, ସେ ମଧ୍ୟ କୋଲାର ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଛନ୍ତି ଏବଂ ସେଠାରେ ମାସେ ଧରି ସବୁ ପ୍ରସ୍ତୁତି କରିଥିଲେ କିନ୍ତୁ ଏପର୍ଯ୍ୟନ୍ତ ସେହି ଆସନ ଉପରେ ନିଷ୍ପତ୍ତି ନିଆଯାଇନାହିଁ। ବର୍ତ୍ତମାନ ୟତିନ୍ଦ୍ରଙ୍କ ବିବୃତ୍ତି ପରେ ସିଦ୍ଧରମୈୟା ଏବଂ ରାଜ୍ୟ କଂଗ୍ରେସ ମୁଖ୍ୟ ଡି.କେ ଶିବକୁମାରଙ୍କ ମଧ୍ୟରେ କର୍ଣ୍ଣାଟକରେ ମୁଖ୍ୟମନ୍ତ୍ରୀ ପଦବୀକୁ ନେଇ ବିବାଦ ଲାଗିଥିବାର ଜଣାପଡିଛି | କୁହାଯାଉଛି ଯେ ଡି.କେ ଶିବକୁମାର ମଧ୍ୟ ରାଜ୍ୟର ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି। ରାଜ୍ୟରେ ମୁଖ୍ୟମନ୍ତ୍ରୀ ପଦ ପାଇଁ ଲଢେଇ ମଧ୍ୟରେ ସିଦ୍ଧରମୈୟା ଏବଂ ଡି.କେ ଶିବକୁମାରଙ୍କ ମଧ୍ୟରେ ବୟାନ ଯୁଦ୍ଧ ତୀବ୍ର ହେବାରେ ଲାଗିଛି। ଅନ୍ୟପଟେ କଂଗ୍ରେସର ଜଣେ ବରିଷ୍ଠ ନେତା କହିଛନ୍ତି ଯେ ରାଜ୍ୟରେ ଦୁଇ ବରିଷ୍ଠ ନେତାଙ୍କ ମଧ୍ୟରେ ହୋଇଥିବା ବିବାଦ ଦଳକୁ କ୍ଷତି ପହଞ୍ଚାଉଛି।