ଯୌନ ନିର୍ଯାତନା ଅଭିଯୋଗରେ କାନ୍ନାଡାରେ ଶିଖ୍‌ ସଂପ୍ରଦାୟର ବ୍ୟକ୍ତି ଗିରଫ

ନୂଆଦିଲ୍ଲୀ: ଜଣେ ନାବାଳିକାଙ୍କୁ ତିନିଥର ଯୌନ ନିର୍ଯାତନା ଦେବା ଅଭିଯୋଗରେ କାନାଡାର ବ୍ରାମ୍ପଟନରେ ଜଣେ ୭୮ ବର୍ଷୀୟ ଶିଖ୍‌ ବ୍ୟକ୍ତିଙ୍କୁ ଗିରଫ କରାଯାଇଛି ବୋଲି ଗୁରୁବାର ଦିନ ପୁଲିସ୍‌ ପକ୍ଷରୁ ସୂଚନା ମିଳିଛି। 

ପିଲ୍ସ ପୁଲିସ କହିଛି ଯେ ହରମୋହିନ୍ଦର ସିଂହଙ୍କୁ ମେ ୮ ତାରିଖରେ ସ୍ୱତନ୍ତ୍ର ପୀଡିତ ୟୁନିଟ୍ ଦ୍ୱାରା ଗିରଫ କରାଯାଇଥିଲା। ସିଂହ ୧୨ ବର୍ଷରୁ କମ୍ ବୟସର ଜଣେ ନାବାଳିକା ପୀଡିତାଙ୍କ ପାଖକୁ ଯାଇଥିଲେ ଏବଂ ବ୍ରାମ୍ପଟନର ଏକ ପାର୍କରେ ତିନିଥର ପୃଥକ ଭାବରେ ତାଙ୍କୁ ଯୌନ ନିର୍ଯାତନା ଦେଇଥିଲେ ବୋଲି ଅଭିଯୋଗ ହୋଇଛି।

ତାଙ୍କ ଉପରେ ୧୭ ବର୍ଷରୁ କମ୍ ବୟସର ଜଣେ ମହିଳାଙ୍କ ପ୍ରତି ଯୌନ ନିର୍ଯାତନା ଏବଂ ତିନୋଟି ପୃଥମ ଯୌନ ଶୋଷଣ ଅଭିଯୋଗ ଲଗାଯାଇଥିଲା। ବ୍ରମ୍ପଟନର ଅଣ୍ଟାରିଓ କୋର୍ଟ ଅଫ୍ ଜଷ୍ଟିସରେ ଜାମିନ ଶୁଣାଣି ପାଇଁ ସିଂହଙ୍କୁ ହେପାଜତରେ ରଖାଯାଇଥିଲା।

ତଦନ୍ତକାରୀମାନେ ବିଶ୍ୱାସ କରନ୍ତି ଯେ ଆହୁରି ପୀଡିତା ଏବଂ ସାକ୍ଷୀ ଥାଇପାରନ୍ତି। ଯଦି ସିଂହଙ୍କ ସଂପର୍କରେ ସେପରି କିଛି ସୂଚନା ରହିଛି ତେବେ ସେମାନେ କର୍ତ୍ତୃପକ୍ଷଙ୍କ ସହିତ ଯୋଗାଯୋଗ କରିବାକୁ ଅନୁରୋଧ କରାଯାଇଛି।