ଅକ୍ଟୋବର ଯାଏଁ ସିକ୍କିମ୍ ସରକାର ସିଲ କଲେ ରାଜ୍ୟର ସୀମା

ଗ୍ୟାଙ୍ଗଟକ: କରୋନା ଭୂତାଣୁ ବିସ୍ତାର ବିରୋଧ ଲଢେଇ ପାଇଁ ସିକ୍କିମ ସରକାର ଅକ୍ଟୋବର ଯାଏଁ ପର୍ଯ୍ୟଟକଙ୍କ ପାଇଁ ସୀମା ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି। ପ୍ରାୟ ସାତ ଲକ୍ଷ ଜନସଂଖ୍ୟା ବିଶିଷ୍ଟ ଛୋଟ ଏହି ରାଜ୍ୟରେ କରୋନା ଭୂତାଣୁ ପ୍ରବେଶ ନକରିବା ପାଇଁ ଏହା ଏକ ସତର୍କତାମୂଳକ ପଦକ୍ଷେପ ବୋଲି ରାଜ୍ୟ ସରକାର କହିଛନ୍ତି। ସିକ୍କିମ୍ ହେଉଛି ଭାରତର ଏକମାତ୍ର ରାଜ୍ୟ ଯେଉଁଠାରେ ଏପର୍ଯ୍ୟନ୍ତ କରୋନା ମାମଲା ସାମ୍ନାକୁ ଆସିନାହିଁ | ଏଠାରେ, କରୋନା ର ୮୧ ଜଣ ସନ୍ଦିଗ୍ଧ ଏପର୍ଯ୍ୟନ୍ତ ମିଳିଥିଲେ, କିନ୍ତୁ ସମସ୍ତଙ୍କ ରିପୋର୍ଟ ନେଗେଟିଭ ଆସିଥିଲା ​​|

ମିଳିଥିବା ସୂଚନା ମୁତାବକ ୭ ଲକ୍ଷରୁ ଅଧିକ ଜନସଂଖ୍ୟା ବିଶିଷ୍ଟ ସିକ୍କିମ୍ ଜାନୁଆରୀରେ କରୋନା ବିରୁଦ୍ଧରେ ଲଢେଇ ଆରମ୍ଭ କରିଦେଇଥିଲା ଯେତେବେଳେ କରୋନା ଚୀନ୍ ସମେତ ଅନ୍ୟ ଦେଶକୁ ବ୍ୟାପିବାରେ ଲାଗିଥିଲା । ଜାନୁୟାରୀ ୨୮ ତାରିଖରୁ ଏଠାରେ ସରକାର ରାଜ୍ୟର ଦୁଇଟି ପ୍ରବେଶ ପଏଣ୍ଟ – ରଙ୍ଗପୋ ଏବଂ ମେଲିରେ ସ୍କ୍ରିନିଂ ବାଧ୍ୟତାମୂଳକ କରିଥିଲେ। ସିକ୍କିମ୍ ରାଜ୍ୟପାଳ ଗଙ୍ଗା ପ୍ରସାଦ କହିଛନ୍ତି ଯେ ଅକ୍ଟୋବର ପର୍ଯ୍ୟନ୍ତ ସମସ୍ତ ପର୍ଯ୍ୟଟକଙ୍କ ପାଇଁ ସିକ୍କିମ୍ ବନ୍ଦ ରହିବ।

photo-oneindia

ରାଜ୍ୟପାଳ କହିଛନ୍ତି, “ସିକ୍କିମର ଅନେକ ଛାତ୍ର ଚୀନରେ ପଢୁଥିଲେ । ସେମାନେ ସମସ୍ତେ ଜାନୁଆରୀ ମାସରେ ଫେରି ଆସିଥିଲେ। ଏହା ପରେ ଆମେ ଆମର ସୀମା ବନ୍ଦ କରିଥିଲୁ ଏବଂ କାହାକୁ ପ୍ରବେଶ ଅନୁମତି ଦିଆଯାଇନଥିଲା”। ଏଠାରେ ସୂଚନା ଥାଉ କି ଜନତା କର୍ଫ୍ୟୁ ପୂର୍ବରୁ ମାର୍ଚ୍ଚ ୧୭ ରେ ରାଜ୍ୟବ୍ୟାପୀ ଲକଡାଉନ ଲାଗୁ କରାଯାଇଥିଲା।

ସମ୍ବନ୍ଧିତ ଖବର

Comments are closed.