ସମସ୍ତଙ୍କୁ ଭୋଟ୍ ଦାନ ଲାଗି ଅପିଲ କରୁଥିବା ପ୍ରିୟଙ୍କା ଗାନ୍ଧୀଙ୍କ ପୁଅ କଲେ ନାହିଁ ମତଦାନ, ଏହା ଥିଲା କାରଣ
ନୂଆଦିଲ୍ଲୀ : ରବିବାର ଷଷ୍ଠ ପର୍ଯ୍ୟାୟ ମତଦାନ ଥିବା ବେଳେ ଅନେକ ବଡ଼ ବଡ଼ ନେତା ଏବଂ ଅଭିନେତା ପୋଲିଂ ବୁଥ୍କୁ ଯାଇ ମତଦାନ କରିଥିବା ଦେଖାଯାଇଥିଲା । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ଭଉଣୀ ପ୍ରି୍ୟଙ୍କା ଗାନ୍ଧୀ ଭଦ୍ରା ଏବଂ ଭିଣୋଇ ରବର୍ଟ ଭଦ୍ରା ଦିଲ୍ଲୀରେ ମତଦାନ କରିଥିବା ବେଳେ ପ୍ରିୟଙ୍କାଙ୍କ ପୁଅ ମତଦାନ କରି ନ ଥିବା ଜଣା ପଡ଼ିଛି । ପ୍ରିୟଙ୍କାଙ୍କ ପୁଅ ରେହାନଙ୍କୁ ୧୯ବର୍ଷ ହୋଇ ସାରିଥିବା ବେଳେ ସେ ଚଳିତ ବର୍ଷ ନିଜର ପ୍ରଥମ ମତଦାନ କରିଥାନ୍ତେ । କିନ୍ତୁ ତାଙ୍କୁ ପରିବାର ସହ ଦେଖିବାକୁ ମିଳି ନ ଥିଲା ।
Sambad is now on WhatsApp
Join and get latest news updates delivered to you via WhatsApp
ଏହାର କାରଣ ପଚରାଯିବା ପରେ, ରେହାନ ଭାରତରେ ନାହାନ୍ତି, ସେ ପଢ଼ିବା ପାଇଁ ଲଣ୍ଡନ ଫେରି ଯାଇଛନ୍ତି ବୋଲି କହିଥିଲେ ପ୍ରିୟଙ୍କା । ପୂର୍ବରୁ ପ୍ରିୟଙ୍କା କିଛି ନିର୍ବାଚନୀ ସଭାକୁ ପୁଅ ରେହାନ ଏବଂ ଝିଅ ମିରାୟାକୁ ନେଇ ଯାଇଥିବାର ଦେଖାଯାଇଥିଲା । ତେବେ ଏତେ ପ୍ରଚାର କରିବା ସହ ଲୋକମାନଙ୍କୁ ମତଦାନ କରିବାକୁ କହୁଥିବା ପ୍ରିୟଙ୍କାଙ୍କ ପୁଅ ମତଦାନ କରି ନଥିବାରୁ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇ ଯାଇଛି । ଲୋକେ ତାଙ୍କୁ ଏ ନେଇ ଟ୍ରୋଲ କରିବା ଆରମ୍ଭ କରିଛନ୍ତି ।