ଏବର୍ଷ ସ୍ବାଭାବିକ ବର୍ଷା : ସ୍କାଏମେଟର ପୂର୍ବାନୁମାନ
ହାଇଦ୍ରାବାଦ : ଏ ବର୍ଷ ମୌସୁମୀ ପ୍ରବାହ ସ୍ବାଭାବିକ ରହିବ ବୋଲି ଘରୋଇ ପାଣିପାଗ ପୁର୍ବାନୁମାନକାରୀ ସଂସ୍ଥା ସ୍କାଏମେଟ ଓ୍ବେଦର ପକ୍ଷରୁ କୁହାଯାଇଛି । ସଂସ୍ଥା ପକ୍ଷରୁ ପ୍ରକାଶିତ ପ୍ରାରମ୍ଭିକ ମୌସୁମୀ ରିପୋର୍ଟରେ କୁହାଯାଇଛି ଯେ ଏବର୍ଷ ସ୍ବାଭାବିତ ମୌସୁମୀ ବର୍ଷା ହେବାର ସମ୍ଭାବନା ପ୍ରାୟ ୫୦ ପ୍ରତିଶତ । ସ୍ବାଭାବିକଠାରୁ ଅଧିକ ବର୍ଷା ହେବାର ସାମାନ୍ୟ ସମ୍ଭାବନା ରହିଛି ବୋଲି ସ୍କାଏମେଟରେ ପରିଚାଳନା ନିର୍ଦ୍ଦେଶକ ଯତିନ ସିଂ କହିଛନ୍ତି । ତେବେ ମୌସୁମୀ ପ୍ରବାହର ସବିଶେଷ ପୂର୍ବାନୁମାନ ଏବେଠାରୁ ଲଗାଇବା ସମ୍ଭବ ନୁହେଁ ଓ ସବିଶେଷ ମୌସୁମୀ ରିପୋର୍ଟ ଆସନ୍ତା ମାର୍ଚ୍ଚ ୧୫ରୁ ଏପ୍ରିଲ ୧୫ ମଧ୍ୟରେ ପ୍ରକାଶ ପାଇବ ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଏବର୍ଷ ଏଲନିନୋ ପ୍ରଭାବ ସେତେଟା ରହିବ ନାହିଁ, ଏଣୁ ସ୍ବାଭାବିକ ମୌସୁମୀ ହେବାରେ କୌଣସି ଅସୁବିଧା ନାହିଁ । ସାଧାରଣତଃ ୯୬ ପ୍ରତିଶତରୁ ୧୦୪ ପ୍ରତିଶତ ମଧ୍ୟରେ ବୃଷ୍ଟିପାତ ରହିଲେ ତାହାକୁ ସ୍ବାଭାବିକ ବୋଲି କୁହାଯାଏ । ୯୬ ପ୍ରତିଶତରୁ କମିଲେ ତାହାକୁ ନିଅଣ୍ଟିଆ ବୃଷ୍ଟିପାତ ବୋଲି କୁହାଯାଏ । ସ୍ବାଭାବିକ ମୌସୁମୀ ଉପରେ ଦେଶର ଅର୍ଥନୈତିକ ଅଭିବୃଦ୍ଧି ନିର୍ଭର କରେ, କାରଣ ଦେଶର ପ୍ରାୟ ୬୫ ପ୍ରତିଶତ ଲୋକ କୃଷି ଉପରେ ନିର୍ଭର କରନ୍ତି ।