ଦିଲ୍ଲୀ ଷ୍ଟେସନରେ ଲାଗିବ ସ୍ୱୟଂଚାଳିତ ଡଷ୍ଟବିନ, ଆବର୍ଜନା ଭର୍ତ୍ତି ହୋଇଗଲେ ଷ୍ଟେସନ ମାଷ୍ଟରଙ୍କ ପାଖକୁ ଆସିବ ମେସେଜ
ନୂଆଦିଲ୍ଲୀ: ରେଳ ଷ୍ଟେସନରେ ସ୍ୱଚ୍ଛତା ବଜାୟ ରଖିବା ପାଇଁ ଦିଲ୍ଲୀ ସରକାର ସ୍ୱୟଂଚାଳିତ ଡଷ୍ଟବିନ ଲଗାଇବାକୁ ଯୋଜନା କରିଛନ୍ତି। ଏହି ଯୋଜନା ଅନୁଯାୟୀ, ଡଷ୍ଟବିନରେ ୭୫ ପ୍ରତିଶତ ଆବର୍ଜନା ଭର୍ତ୍ତି ହୋଇଗଲେ ଷ୍ଟେସନ ମାଷ୍ଟରଙ୍କ ମୋବାଇଲକୁ ମେସେଜ ପହଞ୍ଚିବ | ଏବେ ନୂଆଦିଲ୍ଲୀ ରେଳ ଷ୍ଟେସନରେ ଏହାର ପରୀକ୍ଷା ଚାଲିଛି। ସୂଚନା ଅନୁଯାୟୀ, ନୂଆଦିଲ୍ଲୀର ପ୍ଲାଟଫର୍ମ ନମ୍ବର ୧ରେ ସ୍ୱୟଂଚାଳିତ ଡଷ୍ଟବିନ ଲଗାଯାଇଛି, ଯାହା ପୁରୁଣା ଚିଠି ବାକ୍ସ ପରି ଦେଖାଯାଉଛି। ଏହି ସ୍ୱୟଂଚାଳିତ ଡଷ୍ଟବିନରେ, ଢାଙ୍କୁଣୀ ସ୍ୱୟଂଚାଳିତ ଭାବରେ ଖୋଲିଥାଏ, ଏବଂ ତା’ପରେ ବନ୍ଦ ହୋଇଯାଏ |
Sambad is now on WhatsApp
Join and get latest news updates delivered to you via WhatsApp
ଯେତେବେଳେ ଜଣେ ଆବର୍ଜନା ପକାଇବା ପାଇଁ ଡଷ୍ଟବିନ ଆଡକୁ ହାତ ବଢାଇଥାନ୍ତି, ଏହା ସ୍ୱତଃ ଖୋଲିଯାଇଥାଏ | ଏଥି ସହିତ, ଏହି ଡଷ୍ଟବିନଗୁଡିକର ବିଶେଷତା ହେଉଛି ଯେ ଏହା ଦୁର୍ଗନ୍ଧ ହୁଏ ନାହିଁ | ଓଦା ଏବଂ ଶୁଖିଲା ଆବର୍ଜନା ପକାଇବା ପାଇଁ ଏକ ପୃଥକ ବ୍ୟବସ୍ଥା ମଧ୍ୟ ଅଛି | ରେଳ ଅଧିକାରୀ କହିଛନ୍ତି ଯେ ଏହି ସ୍ୱୟଂଚାଳିତ ଡଷ୍ଟବିନଗୁଡିକ ୧୨୦୦ କିଲୋଗ୍ରାମ ପର୍ଯ୍ୟନ୍ତ ଅଳିଆ ଆବର୍ଜନା ରଖିପାରେ।
ଏଥିସହ ସାଧାରଣ ଡଷ୍ଟବିନ ଅପେକ୍ଷା ଅଧିକ ଅଳିଆ ଆବର୍ଜନା ରଖାଯାଇପାରିବ | ଅଧିକାରୀଙ୍କ କହିବାନୁସାରେ, ସାଧାରଣ ଡଷ୍ଟବିନକୁ ଦିନକୁ ଅତି କମରେ ୩ରୁ ୪ ଥର ଖାଲି କରିବାକୁ ପଡିଥାଏ, କିନ୍ତୁ ସ୍ୱୟଂଚାଳିତ ଡଷ୍ଟବିନ୍ ଅଧିକ ବର୍ଜ୍ୟବସ୍ତୁ ସଂଗ୍ରହ କରିପାରେ | ଯେତେବେଳେ ଡଷ୍ଟବିନ ୭୫ ପ୍ରତିଶତ ଯାଏଁ ଭର୍ତ୍ତି ହୋଇଯାଏ, ସେତେବେଳେ ଷ୍ଟେସନ ମାଷ୍ଟରଙ୍କ ଫୋନକୁ ଏକ ମେସେଜ ଯିବ | ଏହା ଦ୍ୱାରା ଆବର୍ଜନା ସଂଗ୍ରହ ସହଜରେ ଓ କମ ସମୟ ମଧ୍ୟରେ ହୋଇଯାଇଥାଏ |