ଏହି କାରଣ ପାଇଁ ବିଳମ୍ବ ହେବ ଭାରତୀୟ ସେନା ପାଇଁ ସ୍ନାଇପର ରାଇଫଲ କିଣା
ନୂଆଦିଲ୍ଲୀ : ନିଜର ସେନା ପାଇଁ ଅତ୍ୟାଧୁନିକ ସ୍ନାଇପର ରାଇଫଲ କିଣା ଉଦ୍ୟମ ଆଗରେ ଏକ ପ୍ରତିବନ୍ଧକ ଦେଖାଦେଇଛି । ଭାରତୀୟ ସେନା ପାଇଁ ମୋଟ ୫୭୦୦ଟି ହାଇ ପ୍ରେସିସନ ସ୍ନାଇପର ରାଇଫଲ ଖରିଦ କରିବାକୁ କିଛି ମାସ ତଳେ ପ୍ରତିରକ୍ଷା ମନ୍ତ୍ରାଳୟ ଟେଣ୍ଡର ଆହ୍ଵାନ କରିଥିଲା । ଏହି ଟେଣ୍ଡର ପ୍ରତି ବିଶ୍ୱର ପ୍ରମୁଖ ସ୍ନାଇପର ରାଇଫଲ କମ୍ପାନିମାନେ ଉତ୍ସାହ ମଧ୍ୟ ଦେଖାଇଛନ୍ତି । ମୋଟ ୨୦ଟି କମ୍ପାନି ଏହି ରାଇଫଲ ଯୋଗାଣ ପାଇଁ ପ୍ରସ୍ତାବ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ସମସ୍ୟା ହେଲା ଏହି କମ୍ପାନିମାନେ କେବଳ ରାଇଫଲ ତିଆରି କରନ୍ତି, କିନ୍ତୁ ସେଥିରେ ଲାଗିଥିବା ଗୁଳି ତିଆରି କରନ୍ତି ନାହିଁ । କିନ୍ତୁ ସରକାର ଗୋଟିଏ କମ୍ପାନିଠାରୁ ରାଇଫଲ ଓ ଗୁଳି କିଣିବାକୁ ଚାହୁଁଛନ୍ତି । ଏଥିପାଇଁ ପୁରୁଣା ଟେଣ୍ଡରକୁ ବାତିଲ କରି ପୁଣି ଥରେ ନୂଆ ଟେଣ୍ଡର ଆାହ୍ଵାନ କରାଯିବ ବୋଲି ପ୍ରତିରକ୍ଷା ମନ୍ତ୍ରାଳୟ ସୁତ୍ରରୁ ଜଣାପଡିଛି ।
ଏଥର ଦୁଇଟି ଆରଏଫପି (ରିକ୍ୱେଷ୍ଟ ଫର ପ୍ରୋପଜାଲ) ଜାରି କରାଯିବ । ଗୋଟିକରେ ରାଇଫଲ ଓ ଅନ୍ୟଟିରେ ଗୁଳି ପାଇଁ ଆରଏଫପି ଜାରି କରାଯିବ । ଏଥିରେ ମଧ୍ୟ ପ୍ରଯୁକ୍ତି ହସ୍ତାନ୍ତର ଓ ଭାରତରେ ଉତ୍ପାଦନ କେନ୍ଦ୍ର ସ୍ଥାପନ ପ୍ରସ୍ତାବ ରହିବ ।