ଭାରତୀୟ ରେଳ ସୁରକ୍ଷା ପାଇଁ ଏପର୍ଯ୍ୟନ୍ତ ୧.୦୮ କୋଟିରୁ ଅଧିକ ଖର୍ଚ୍ଚ

ନୂଆଦିଲ୍ଲୀ: ଆମେରିକା, ରୁଷିଆ ଏବଂ ଚୀନ୍ ପରେ ଭାରତର ରେଳ ନେଟୱାର୍କ ବିଶ୍ୱର ଚତୁର୍ଥ ବୃହତ୍ତମ ଅଟେ। ଏହି ବିଶାଳ ନେଟୱାର୍କର ଭିତ୍ତିଭୂମି ବିକାଶ, ଏହାକୁ ଆଧୁନିକୀକରଣ ଏବଂ କାର୍ଯ୍ୟକ୍ଷମ ଦକ୍ଷତା ବୃଦ୍ଧି ପାଇଁ ଭାରତୀୟ ରେଳବାଇ ଅନେକ ପ୍ରମୁଖ ପଦକ୍ଷେପ ନେଇଛି।

ସରକାରୀ ତଥ୍ୟ ଅନୁଯାୟୀ, ଭାରତୀୟ ରେଳ ଗତ କିଛି ବର୍ଷ ମଧ୍ୟରେ ସୁରକ୍ଷା ସମ୍ବନ୍ଧରେ ଅନେକ ପଦକ୍ଷେପ ଗ୍ରହଣ କରିଛି। ଏହି କାରଣରୁ ରେଳ ଚଳାଚଳ ସମୟରେ ନିରାପତ୍ତାରେ ଏକ ଉଲ୍ଲେଖନୀୟ ଉନ୍ନତି ଘଟିଛି। ବିଶେଷକରି ନୂତନ ପଦକ୍ଷେପ ଯୋଗୁଁ ପ୍ରତିବର୍ଷ ଦୁର୍ଘଟଣା ସଂଖ୍ୟା ହ୍ରାସ ପାଇଛି। ଗତ ୨୦ ବର୍ଷରେ ୩୯୫୦ରୁ ଅଧିକ ରେଳ ଦୁର୍ଘଟଣା ଘଟିଛି।

ସରକାରୀ ଆକଳନରୁ ଜଣାପଡିଛି ଯେ ଗତ ଦୁଇ ଦଶନ୍ଧି ମଧ୍ୟରେ ଭାରତରେ ରେଳ ଦୁର୍ଘଟଣା ଯଥେଷ୍ଟ ହ୍ରାସ ପାଇଛି। ୨୦୦୦-୦୧ ମସିହା ମଧ୍ୟରେ ୪୭୩ ଟ୍ରେନ୍ ଦୁର୍ଘଟଣା ହୋଇଥିବାବେଳେ ୨୦୦୨-୨୩ ମସିହା ମଧ୍ୟରେ ଏହି ଦୁର୍ଘଟଣା ପ୍ରତିବର୍ଷ ହାରାହାରି୪୦କୁ ଖସି ଆସିଥିଲା। ଏହି ପରିସଂଖ୍ୟାନ ଦର୍ଶାଏ ଯେ ୨୦୦୪ ରୁ ୨୦୧୪ ମଧ୍ୟରେ ଦଶନ୍ଧି ମଧ୍ୟରେ ପ୍ରତିବର୍ଷ ହାରାହାରି ୧୭୧ ରେଳ ଦୁର୍ଘଟଣା ଘଟିଥିଲା ​। ଏଥି ସହିତ, ୨୦୧୪ ରୁ ୨୦୨୪ ଦଶନ୍ଧି ମଧ୍ୟରେ, ରେଳ ଦୁର୍ଘଟଣାର ହାରାହାରି ସଂଖ୍ୟା ପ୍ରତିବର୍ଷ ୬୮କୁ ହ୍ରାସ ପାଇଛି।

ସରକାରୀ ତଥ୍ୟ ଅନୁଯାୟୀ, ଗତ ପାଞ୍ଚ ବର୍ଷ ମଧ୍ୟରେ ଜାତୀୟ ରେଳ ସୁରକ୍ଷା ନାମରେ ମୋଟ ୧୦୮୭୪୨.୫୭ କୋଟି ଟଙ୍କା ଖର୍ଚ୍ଚ ହୋଇଛି। ୨୦୧୭-୧୮ ବର୍ଷରେ ୧୭୨୫୯.୫୩ କୋଟି, ୨୦୧୮-୧୯ ରେ ୧୯୫୯୫.୬୩ କୋଟି, ୨୦୧୯-୨୦ରେ ୧୬୭୯୯.୬୧ କୋଟି, ୨୦୨୦-୨୧ରେ ୨୭୭୧୩.୩୧ କୋଟି ଏବଂ ୨୦୨୧-୨୨ ବର୍ଷରେ ୨୭୩୭୪.୪୯ କୋଟି ଟଙ୍କା ଖର୍ଚ୍ଚ ହୋଇଛି।

ସମ୍ବନ୍ଧିତ ଖବର