ଚାଷୀଙ୍କ ଆନ୍ଦୋଳନକୁ ସମର୍ଥନ କରି କବିତା ସେୟାର କଲେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା
ସୋସିଆଲ ମିଡିଆରେ ଭିଡିଓ ହେଉଛି ଭାଇରାଲ
ମୁମ୍ବାଇ: ୭୭ ଦିନ ଧରି ଦେଶରେ ଚାଲିଥିବା କୃଷକ ଆନ୍ଦୋଳନକୁ ଦେଶ ବିଦେଶରୁ ସମର୍ଥନର ସୁଅ ଛୁଟିବାରେ ଲାଗିଛି । କେତେବେଳେ ଖେଳାଳୀ, ରାଜନେତା ଓ କଳାକାରମାନଙ୍କର ସମର୍ଥନ ଆନ୍ଦୋଳନକୁ ମିଳୁଥିବା ବେଳେ କେତେବେଳେ ବିଦେଶୀ କଳାକାର ଓ ଅନ୍ୟ ବୃତ୍ତିରେ ଥିବା ଲୋକମାନେ ସେମାନଙ୍କର ସମର୍ଥନ ଜଣାଇ ଟ୍ୱିଟ୍ କରୁଛନ୍ତି । ହେଲେ ବଲିଉଡର ଚର୍ଚ୍ଚିତ ନାୟିକା ସୋନାକ୍ଷୀ ସିହ୍ନା ଏକ ନୂଆ ତରିକାରେ କୃଷକ ଆନ୍ଦୋଳନକୁ ସମର୍ଥନ ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ବଲିଉଡର ଅଭିନେତ୍ରୀ ସୋନାକ୍ଷୀ ସିହ୍ନା ସବୁବେଳେ ସୋସିଆଲ ମିଡିଆରେ ଖୁବ୍ ସକ୍ରିୟ ଥାଆନ୍ତି । ତାଙ୍କର ବିଭିନ୍ନ ପୋଷ୍ଟ ବି ଲୋକମାନଙ୍କୁ ବେସ୍ ପସନ୍ଦ ଆସିଥାଏ । ହେଲେ କିଛିଦିନ ହେବ ଟ୍ୱିଟରକୁ ଅଲବିଦା କହିଥିବା ସୋନାକ୍ଷୀ ଏବେ ଇନଷ୍ଟାଗ୍ରାମରେ ବେସ୍ ସକ୍ରିୟ ରହିଛନ୍ତି । ନିକଟରେ କୃଷକ ଆନ୍ଦୋଳନକୁ ସମର୍ଥନ କରି ସୋନାକ୍ଷୀ ସେୟାର କରିଥିବା ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ନୂତନ କୃଷି ଆଇନକୁ ବିରୋଧ କରି ଆନ୍ଦୋଳନରେ ବସିଥିବା କୃଷକମାନଙ୍କ ଉଦ୍ଦେଶ୍ୟରେ ସେ ଏହି କବିତା ସେୟାର କରିଛନ୍ତି, ଯେଉଁ ଭିଡିଓରେ ଆନ୍ଦୋଳନରତ କୃଷକମାନେ ନଜର ଆସୁଥିବା ବେଳେ ପଛରେ ଶୁଭୁଛି ସୋନାକ୍ଷୀଙ୍କ କବିତା । କବିତାର ଶୀର୍ଷକ ରହିଛି ‘ନଜର ମିଲାକେ ଖୁଦ ସେ ପୁଛୋ- କ୍ୟୁଁ’ । ଏହି କବିତାକୁ ପୋଷ୍ଟ କରି ସେ ଲେଖିଛନ୍ତି କି ଏହି କବିତା ସେହିମାନଙ୍କୁ ଉତ୍ସର୍ଗିକୃତ ଯେଉଁମାନେ ସାରା ଦେଶକୁ ଆହାର ଯୋଗାଉଛନ୍ତି । ସୋନାକ୍ଷୀଙ୍କ ଏଭଳି ଭାବେ କୃଷକଙ୍କୁ ସମର୍ଥନ କରିବା ନେଇ ତାଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।