/* */

ମୌସୁମୀ ଅଧିବେଶନ ପାଇଁ ସଂସଦୀୟ ଦଳକୁ ପୁନର୍ଗଠନ କଲେ ସୋନିଆ ଗାନ୍ଧୀ

ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନ ପୂର୍ବରୁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଦଳର ସଂସଦୀୟ ଟିମକୁ ପୁନର୍ଗଠନ କରିଛନ୍ତି। ଏହି ପୁନର୍ଗଠନରେ “ଜି -୨୩” ର ନେତାମାନଙ୍କୁ ମଧ୍ୟ ଅନ୍ତର୍ଭୁକ୍ତ କରାଯାଇଛି, ଯେଉଁମାନେ ଗତ ବର୍ଷ ବିସ୍ଫୋରକ ଚିଠି ଲେଖି ଅନେକ ଗୁରୁତ୍ୱପୂର୍ଣ୍ଣ ପଦ ହରାଇଥିଲେ। “ଜି -୨୩”ର ଅସନ୍ତୁଷ୍ଟ ନେତାଙ୍କ ମଧ୍ୟରେ ଥିବା ଶଶି ଥରୁର ଏବଂ ମନୀଷ ତିୱାରୀଙ୍କୁ ଲୋକସଭାର ସାତ ସଦସ୍ୟ ବିଶିଷ୍ଟ ଗୋଷ୍ଠୀରେ ସାମିଲ କରାଯାଇଛି | ସେହିପରି ପଶ୍ଚିମବଙ୍ଗର କଂଗ୍ରେସ ମୁଖ୍ୟ ଅଧୀର ରଂଜନ ଚୌଧୁରୀଙ୍କୁ ଲୋକସଭାରେ ବିରୋଧୀ ଦଳର ନେତା ଭାବରେ ଦାୟିତ୍ୱ ଦିଆଯାଇଥିବାବେଳେ ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗୋଇଙ୍କ ପୁଅ ଗୌରବ ଗୋଗୋଇ ଲୋକସଭାରେ ଉପ ବିରୋଧୀ ଦଳ ନେତା ଭାବରେ ରହିବେ।

ଲୋକସଭାରେ କେ ସୁରେଶଙ୍କୁ ମୁଖ୍ୟ ସଚେତକ କରାଯାଇଥିବାବେଳେ ରବଣୀତ ସିଂ ବିଟୁ ଏବଂ ମଣିକମ ଟାଗୋରଙ୍କୁ ଲୋକସଭାରେ କଂଗ୍ରେସର ସାତ ସଦସ୍ୟ ବିଶିଷ୍ଟ ଗୋଷ୍ଠୀରେ ସଚେତକ ଭାବେ ଦାୟିତ୍ୱ ଦିଆଯାଇଛି । ମଲ୍ଲିକାର୍ଜୁନ ଖଡ଼ଗେଙ୍କୁ ରାଜ୍ୟସଭାରେ କଂଗ୍ରେସ ଦଳର ନେତା ହୋଇଥିବାବେଳେ ଆନନ୍ଦ ଶର୍ମାଙ୍କୁ ଉପନେତା କରାଯାଇଛି । ଅମ୍ବିକା ସୋନି, ପି ଚିଦାମ୍ବରମ୍, ଦିଗବିଜୟ ସିଂ ଏବଂ କେସି ଭେନୁଗୋପାଲଙ୍କୁ ରାଜ୍ୟସଭାରେ କଂଗ୍ରେସର ସଦସ୍ୟ ଦାୟିତ୍ୱ ଦିଆଯାଇଥିବାବେଳେ କରାଯାଇଛି।

ଜୟରାମ ରମେଶଙ୍କୁ ମୁଖ୍ୟ ସଚେତକ ଦାୟିତ୍ୱ ଦିଆଯାଇଛି | ସୂଚନା ଥାଉ କି ସଂସଦର ଆଗାମୀ ଅଧିବେଶନରେ ମୁଦ୍ରାସ୍ଫୀତି ବୃଦ୍ଧି, ପେଟ୍ରୋଲ-ଡିଜେଲ ଏବଂ ରନ୍ଧନ ଗ୍ୟାସର ମୂଲ୍ୟ ବୃଦ୍ଧି ଏବଂ କରୋନାଭାଇରସ୍ ମହାମାରୀ ସମୟରେ ସରକାରଙ୍କ ବିଫଳତା ଉପରେ ସରକାରଙ୍କୁ ଘେରିବାକୁ କଂଗ୍ରେସ ଲକ୍ଷ୍ୟ ରଖିଛି।

ସମ୍ବନ୍ଧିତ ଖବର