ସୁସ୍ଥ ହୋଇ ହସ୍ପିଟାଲ୍ରୁ ଫେରିଲେ ସୋନିଆ
ନୂଆଦିଲ୍ଲୀ : କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ଆଜି ସୁସ୍ଥ ହୋଇ ହସ୍ପିଟାଲ୍ରୁ ଫେରିଛନ୍ତି। ପେଟରେ ସଂକ୍ରମଣ ଯୋଗୁଁ ଅସୁସ୍ଥ ହୋଇ ସେ ଗତ ରବିବାର ସନ୍ଧ୍ୟାରେ ନୂଆଦିଲ୍ଲୀର ସାର୍ ଗଙ୍ଗାରାମ ହସ୍ପିଟାଲରେ ଭର୍ତ୍ତି ହୋଇଥିଲେ। ତାଙ୍କ ପେଟରେ ସଂକ୍ରମଣ ଯୋଗୁଁ ସେ ଅସୁସ୍ଥ ହୋଇ ପଡିଥିଲେ। ତେବେ ତିନିଦିନ ଚିକିତ୍ସିତ ହେବା ପରେ ଆଜି ସେ ହସ୍ପିଟାଲ ଛାଡ଼ିଛନ୍ତି ବୋଲି ଗଙ୍ଗାରାମ ହସ୍ପିଟାଲର ଅଧ୍ୟକ୍ଷ ଡାକ୍ତର ଡି.ଏସ୍. ରାଣା କହିଛନ୍ତି। ସୂଚନାଯୋଗ୍ୟ, ଗତ ଶନିବାର ବଜେଟ ଅଧିବେଶନରେ ଶ୍ରୀମତୀ ଗାନ୍ଧି ଯୋଗ ଦେବା ପରେ ରବିବାର ଅସୁସ୍ଥ ହୋଇପଡ଼ିଥିଲେ। ତାଙ୍କୁ ରବିବାର ସନ୍ଧ୍ୟାରେ ହସ୍ପିଟାଲରେ ଭର୍ତ୍ତି କରାଯାଇଥିଲା।