ନୂଆଦିଲ୍ଲୀ: ୟୁପିଏ ଅଧ୍ୟକ୍ଷା ସୋନିଆ ଗାନ୍ଧି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶପଥ ଗ୍ରହଣ ସମାରୋହରେ ସାମିଲ ହେବେ। ସୋନିଆ ଓ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ଏହି ନିଷ୍ପତ୍ତି ଏଥିପାଇଁ ସ୍ୱତନ୍ତ୍ର ରହିଛି କାରଣ ନିର୍ବାଚନ ସମୟରେ ବିଜେପି ଓ କଂଗ୍ରେସର ନେତାଙ୍କ ମଧ୍ୟରେ ଟଣାଓଟରା ହୋଇଥିବା ଦେଖିବାକୁ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ଏମିତିକି କଂଗ୍ରେସ ବରିଷ୍ଠ ନେତା ଗୁଲାମ ନବୀ ଆଜାଦ ବି କାର୍ଯ୍ୟକ୍ରମରେ ସାମିଲ ହେବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଇ ୩୦ରେ ରାଷ୍ଟ୍ରପତି ଭବନରେ ପ୍ରଧାନମନ୍ତ୍ରୀଙ୍କ ପଦ ଓ ଗୋପନୀୟତା ସହ ଶପଥ ନେବେ। ସମାରୋହ ପ୍ରସ୍ତୁତି ଶେଷ ହୋଇସାରିଛି।
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶପଥ ସମାରୋହରେ ସାମିଲ ହେବା ପାଇଁ ମନା କରି ଦେଇଛନ୍ତି। ପ୍ରଥମେ ଚର୍ଚ୍ଚା ଥିଲା କି ସେ ଏହି ସମାରୋହରେ ସାମିଲ ହେବେ। ଗୋଟିଏ ଦିନ ପରେ ସେ କହିଛନ୍ତି, ଗୋଟିଏ ଘଣ୍ଟା ପୂର୍ବ ପର୍ଯ୍ୟନ୍ତ ମୋର ନିଷ୍ପତ୍ତି ଥିଲା କି ସମାରୋହକୁ ଯିବି । କିନ୍ତୁ ମିଡିଆ ରିପୋର୍ଟ ଦେଖିଲୁ କି ବିଜେପି ଦାବି କରୁଛି ବଙ୍ଗଳାରେ ହୋଇଥିବା ରାଜନୈତିକ ହିଂସାରେ ୫୪ଜଣ ଲୋକଙ୍କ ମୃତ୍ୟୁ ହୋଇଛି। ଏହା ମିଥ୍ୟା ଅଟେ। ମୁଁ ନିରୁପାୟ କି ସମାରୋହରେ ସାମିଲ ହୋଇପାରୁ ନାହିଁ।