ସମ୍ପୂର୍ଣ୍ଣ ସୁସ୍ଥ ହେଲେ ଯିବି, ଇଡ଼ିକୁ ଚିଠି ଲେଖି ହାଜର ତାରିଖ ଘୁଞ୍ଚାଇବାକୁ ଅନୁରୋଧ କଲେ ସୋନିଆ ଗାନ୍ଧୀ
ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ବୁଧବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କୁ ଚିଠି ଲେଖି ଏଜେନ୍ସି ନିକଟରେ ହାଜର ହେବାକୁ କିଛି ସପ୍ତାହ ସମୟ ମାଗିଛନ୍ତି। ସେ ଚିଠିରେ ଲେଖିଛନ୍ତି ଯେ କୋଭିଡ ଏବଂ ଫୁସଫୁସ ସଂକ୍ରମଣରୁ ସେ ସମ୍ପୂର୍ଣ୍ଣ ସୁସ୍ଥ ନହେବା ପର୍ଯ୍ୟନ୍ତ ସେ ହାଜର ହୋଇପାରିବେ ନାହିଁ ବୋଲି ଉଲ୍ଲେଖ କରିଛନ୍ତି | ସୂଚନା ମୁତାବକ ନ୍ୟାସନାଲ ହେରାଲ୍ଡ ମନି ଲଣ୍ଡରିଂ ମାମଲାରେ ଜୁନ ୨୩ରେ ପ୍ରବର୍ତ୍ତନ ନିର୍ଦ୍ଦେଶାଳୟ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ଡକାଇଛନ୍ତି। ତେବେ ଡାକ୍ତରଖାନାରେ ଭର୍ତ୍ତି ହେବା ପରେ ଏବେ ଘରେ ବିଶ୍ରାମ ନେବାକୁ ସୋନିଆଙ୍କୁ ପରାମର୍ଶ ଦିଆଯାଇଛି। ତେଣୁ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଆଜି ଇଡିଙ୍କୁ ଚିଠି ଲେଖିଛନ୍ତି ଯେ ସେ ସମ୍ପୂର୍ଣ୍ଣ ସୁସ୍ଥ ନହେବା ପର୍ଯ୍ୟନ୍ତ ହାଜର ହେବାକୁ ତାଙ୍କୁ ଆଉ କିଛି ସପ୍ତାହ ସମୟ ଦିଆଯାଉ |
Sambad is now on WhatsApp
Join and get latest news updates delivered to you via WhatsApp
ସୂଚନା ଥାଉ କି ସୋନିଆ ଗାନ୍ଧୀ ସୋମବାର ସନ୍ଧ୍ୟାରେ ସାର୍ ଗଙ୍ଗାରାମ ଡାକ୍ତରଖାନାରୁ ଡିସଚାର୍ଜ ହୋଇଥିଲେ | ଉଲ୍ଲେଖଯୋଗ୍ୟ, ଜୁନ୍ ୨ରେ ସେ କୋଭିଡ୍-୧୯ ପାଇଁ ପଜିଟିଭ୍ ପରୀକ୍ଷା କରିବାର କିଛି ଦିନ ପରେ ଜୁନ୍ ୧୨ରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ତଳ ଶ୍ୱାସକ୍ରିୟା ନଳୀରେ ଏକ ସଂକ୍ରମଣ ମଧ୍ୟ ଚିହ୍ନଟ କରାଯାଇଥିଲା। ଅନ୍ୟ କୋଭିଡ୍ ପରବର୍ତ୍ତୀ ଲକ୍ଷଣ ସହିତ ସେ ବର୍ତ୍ତମାନ ଘରେ ଚିକିତ୍ସାଧୀନ ଅବସ୍ଥାରେ ବିଶ୍ରାମରେ ରହିବେ ବୋଲି ଦଳ ପକ୍ଷରୁ କୁହାଯାଇଛି | ସୂଚନା ଥାଉ କି ୭୫ ବର୍ଷ ବୟସ୍କା ଗାନ୍ଧୀ ଜୁନ୍ ୮ରେ ଏକ ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ନିକଟରେ ହାଜର ହେବାର କାର୍ଯ୍ୟକ୍ରମ ଥିଲା। କିନ୍ତୁ ତାଙ୍କ କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଅନୁସନ୍ଧାନ ଏଜେନ୍ସି ଠାରୁ ଅଧିକ ସମୟ ମଗାଯାଇଥିଲା। ଜୁନ୍ ୨୩ ହାଜର ହେବା ପାଇଁ ଇଡି ତାଙ୍କୁ ଏକ ନୂତନ ସମନ ଜାରି କରିଥିଲା।