୮୪ ଶିଖ ଦଙ୍ଗା ସଂପର୍କରେ ପିତ୍ରୋଡାଙ୍କ ବୟାନକୁ ନେଇ ସୋନିଆ,ରାହୁଲ କ୍ଷମାମାଗନ୍ତୁ : ବିଜେପି
ନୂଆଦିଲ୍ଲୀ : ୧୯୮୪ ଶିଖ ବିରୋଧୀ ଦଙ୍ଗା ସଂପର୍କରେ ବରିଷ୍ଠ କଂଗ୍ରେସ ନେତା ସାମ ପିତ୍ରୋଡାଙ୍କ ବୟାନକୁ ନେଇ କଂଗ୍ରେସର ସମସ୍ୟା ବଢିଚାଲିଛି ଓ କଂଗ୍ରେସର ଏହି ସମସ୍ୟା ବିଜେପିକୁ ବେଶ ସୁହାଉଛି । ଆଜି ବିଜେପି କହିଛି ଯେ ସାମଙ୍କ ବୟାନକୁ ନେଇ ସୋନିଆ ଓ ରାହୁଲ ଗାନ୍ଧି ଶିଖ ସଂପ୍ରଦାୟ ଆଗରେ କ୍ଷମା ମାଗନ୍ତୁ ।
Sambad is now on WhatsApp
Join and get latest news updates delivered to you via WhatsApp
ନିକଟରେ କଂଗ୍ରେସର ଦରିଆପାରି ମୁଖ୍ୟ ସାମ ପିତ୍ରୋଦା କହିଥିଲେ ଯେ “୧୯୮୪ରେ ଦଙ୍ଗା ହେଲା ହେଲା, ସେଇଠୁ କଣ ହେଲା” ? ସାମଙ୍କ ଏହି ବୟାନ ପରେ ଶିଖ ସମାଜରେ ପ୍ରବଳ ଅସନ୍ତୋଷ ଦେଖାଦେଇଛି । ଖୋଦ କଂଗ୍ରେସର ଜଣେ ବରିଷ୍ଠ ନେତା ତଥା ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ସାମଙ୍କ ବୟାନର ବିରୋଧ କରି କହିଛନ୍ତି ଯେ ଏହି ଶିଖ ବିରୋଧୀ ଗଣହତ୍ୟାରେ ସଂପୃକ୍ତ ଥିବା ଅତି କମରେ ୫ ଜଣ ଦିଲ୍ଲୀ କଂଗ୍ରେସ ନେତାଙ୍କୁ ସେ ଜାଣନ୍ତି । ସେ ମଧ୍ୟ ୪ ଜଣ କଂଗ୍ରେସ ନେତାଙ୍କ ନାଁ ନେଇଛନ୍ତି । ଏହି ୪ ଜଣ ହେଲେ ଏଚଏଏଲ ଭଗତ,ସଜ୍ଜନ କୁମାର,ଲଲିତ ମାକେନ ଓ ଅର୍ଜୁନ ଦାସ ।