ଚଣ୍ଡିଗଡ଼: ପଞ୍ଜାବର ଆଣ୍ଟି କରୋନା ଭାଇରସ୍ ଟିକାକରଣ କାର୍ଯ୍ୟକ୍ରମ ପାଇଁ ଅଭିନେତା ସୋନୁ ସୁଦଙ୍କୁ ବ୍ରାଣ୍ଡ ଆମ୍ବାସଡର କରାଯାଇଛି। ଗତବର୍ଷ କରୋନା ଭାଇରସ୍ ପାଇଁ ଜାରି ହୋଇଥିବା ଲକ୍ଡାଉନ୍ କାଳରେ ଏହି ଅଭିନେତା ଜଣକ ପ୍ରବାସୀମାଙ୍କୁ ନିଜ ଘରକୁ ଫେରାଇ ଆଣିବାରେ ଗୁରୁତ୍ବପୂର୍ଣ୍ଣ ଭୂମିକା ବହନ କରି ଚାରିଆଡ଼େ ଚର୍ଚ୍ଚିତ ପାଲଟିଥିଲେ।
Sambad is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ, କୋଭିଡ୍ ସମୟରେ ହଜାର ହଜାର ଲୋକଙ୍କ ମୁହଁରେ ଦାନା ପକାଇ ସେ ମାନବିକତା ପ୍ରଦର୍ଶନ କରିଥିଲେ। ନିସଃହାୟ ଲୋକଙ୍କୁ କରୋନା କାଳରେ ସାହାଯ୍ୟ କରି ଦୃଷ୍ଟି ଆକର୍ଷଣ କରିଥିବା ସୋନୁଙ୍କୁ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ ରବିବାର(ଏପ୍ରିଲ୍ ୧୧) ନିଜ ବାସଭବନଙ୍କୁ ଡାକି ତାଙ୍କ ସହ କଥା ହେବା ପରେ ଏହି ଘୋଷଣା କରିଛନ୍ତି।
Happy to share that actor & philanthropist @SonuSood will be the Brand Ambassador of our #Covid19 vaccination drive. I thank him for supporting our campaign to reach out to, and protect, every Punjabi, and appeal to all to get vaccinated at the earliest. pic.twitter.com/1083v6M0FP
— Capt.Amarinder Singh (@capt_amarinder) April 11, 2021
ମୁଖ୍ୟମନ୍ତ୍ରୀ ଅମରିନ୍ଦର ସିଂ ଏକ ଟ୍ବିଟ୍ କରି ଲେଖିଛନ୍ତି, ‘ପଞ୍ଜାବର ଆଣ୍ଟି କରୋନା ଭାଇରସ୍ ଟିକାକରଣ କାର୍ଯ୍ୟକ୍ରମ ପାଇଁ ଅଭିନେତା ସୋନୁ ସୁଦଙ୍କୁ ବ୍ରାଣ୍ଡ ଆମ୍ବାସାଡର ଭାବେ ଘୋଷଣା କରି ମୁଁ ବେଶ୍ ଆନନ୍ଦିତ ଅନୁଭବ କରୁଛି। ପ୍ରତ୍ୟେକ ପଞ୍ଜାବୀଙ୍କୁ ସୁରକ୍ଷା ଦେବା ଓ ଟିକାକରଣ ପାଇଁ ପ୍ରୋତ୍ସାହିତ କରିବା ଅଭିଯାନରେ ସେ ସାମିଲ୍ ହୋଇଥିବାରୁ ମୁଁ ତାଙ୍କୁ ଧନ୍ୟବାଦ ଜଣାଉଛି।