ମୁମ୍ବାଇ: ପରବର୍ତ୍ତୀ ବିସିସିଆଇ ସଭାପତି ହେବାକୁ ଯାଉଥିବା ପୂର୍ବତନ ଭାରତୀୟ କ୍ରିକେଟର୍ ସୌରଭ ଗାଙ୍ଗୁଲି ସ୍ୱୀକାର କରିଛନ୍ତି ଯେ କ୍ରିକେଟ୍ ଜଗତ୍ର ସବୁଠୁ ବଡ଼ ସଂସ୍ଥାନର ତତ୍ତ୍ୱାବଧାନ କରିବା ତାଙ୍କ ପାଇଁ ଗୋଟାଏ ଚାଲେଞ୍ଜ୍।
ଗଣମାଧ୍ୟମକୁ ସେ କହିଛନ୍ତି: ନିଯୁକ୍ତି ପାଇଁ ମୁଁ ଆନନ୍ଦିତ। ବିସିସିଆଇ ଭାବମୂର୍ତ୍ତି କ୍ଷୁଣ୍ଣ ହୋଇଥିବା ବେଳେ କିଛି କରିବା ନିମନ୍ତେ ଏଇଟା ମୋ ପାଇଁ ବଡ଼ ସୁଯୋଗ।
ସେ ପୁଣି କହିଛନ୍ତି: ଜଣେ ଅପ୍ରତିଦ୍ୱନ୍ଦ୍ୱୀ ଭାବେ କିଂବା ଅନ୍ୟ ଯେମିତି ବି ନିର୍ବାଚିତ ହେଉ, ଦାୟିତ୍ୱ କିନ୍ତୁ, ଖୁବ୍ ବଡ଼। କାରଣ କ୍ରିକେଟ୍ ଜଗତରେ ଏଇଟା ସର୍ବବୃହତ୍ ସଂସ୍ଥାନ। ଭାରତ ଏକ ଶକ୍ତିର କେନ୍ଦ୍ର। ଏଇଟା ବଡ଼ ଚାଲେଞ୍ଜ୍।
/sambad/media/post_attachments/wp-content/uploads/2019/10/sourav1-300x171.jpg)
ଭାରତର ପୂର୍ବତନ କ୍ୟାପ୍ଟେନ୍ ଗାଙ୍ଗୁଲିଙ୍କୁ ଆଇପିଏଲ୍ ଅଧ୍ୟକ୍ଷ ପଦ ମଧ୍ୟ ଯଚା ଯାଇଥିଲା କିନ୍ତୁ, ରବିବାର ସନ୍ଧ୍ୟା ପ୍ରାୟ ୬ଟା ବେଳେ ସେ ଏହାକୁ ପ୍ରତ୍ୟାଖ୍ୟାନ କରିଥିଲେ।
ସଂପ୍ରତି ସୌରଭ ଗାଙ୍ଗୁଲି କ୍ରିକେଟ୍ ଆସୋସିଏସନ୍ ଅଫ୍ ବେଙ୍ଗଲ୍ର ଅଧ୍ୟକ୍ଷ ଅଛନ୍ତି।