ମୋଦୀଙ୍କ ଶପଥ ଗ୍ରହଣ ସମାରୋହରେ ରଜନୀକାନ୍ତଙ୍କ ସହ ଭିଡିଓ କରି ଅନୁପମ ଦେଲେ ଏଭଳି ପ୍ରତିକ୍ରିୟା

ନୂଆଦିଲ୍ଲୀ: ସୁପରଷ୍ଟାର ରଜନୀକାନ୍ତଙ୍କର ସମସ୍ତେ ଜଣେଜଣେ ପ୍ରଶଂସକ। ଏହି ପ୍ରଶଂସକଙ୍କ ମଧ୍ୟରେ ସାଧାରଣ ଜନତାଙ୍କ ଠାରୁ ଆରମ୍ଭ କରି ଶିଳ୍ପପତି ଓ ଷ୍ଟାରମାନେ ବି ସାମିଲ ଅଛନ୍ତି।

ନିକଟରେ ରଜନୀକାନ୍ତଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶପଥ ଗ୍ରହଣ ସମାରୋହରେ ସାମିଲ ହୋଇଥିବା ଦେଖିବାକୁ ମିଳିଥିଲା। ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦୀ ଶପଥ ଗ୍ରହଣ କରିବା ସମାରୋହରେ ରଜନୀକାନ୍ତଙ୍କ ସମେତ ଅନୁପମ ଖେର, ଶାହାରୁଖ ଖାନ, ବିକ୍ରାନ୍ତ ମେସେଙ୍କ ଭଳି ଅନେକ ସେଲିବ୍ରେଟ୍ ଯୋଗ ଦେଇଥିଲେ।

ପ୍ରଧାନମନ୍ତ୍ରୀଙ୍କ ଶପଥ ଗ୍ରହଣ ସମାରୋହରେ ସାମିଲ ହୋଇଥିବ‌ା ଅନୁପମ ଖେର ଆଜି ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ଅନୁପମଙ୍କୁ ରାଜନୀକାନ୍ତ ସହ ଛିଡ଼ା ହୋଇଥିବା ଦେଖିବାକୁ ମିଳୁଛି।

କହିବାକୁ ଗଲେ ଅନୁପମ ଖେର ମଧ୍ୟ ରଜନୀକାନ୍ତଙ୍କର ଜଣେ ବଡ଼ ପ୍ରଶଂସକ । ଏହି ଭିଡିଓରେ ଅନୁପମ ରଜନୀକାନ୍ତଙ୍କୁ ପ୍ରଶଂସା କରି କହିଛନ୍ତି, ‘ ରାଜନୀକାନ୍ତ ଇଶ୍ବରଙ୍କ ଉପହାର।’

View this post on Instagram

A post shared by Anupam Kher (@anupampkher)

ଭିଡିଓରେ ଅନୁପମ ରଜନୀକାନ୍ତଙ୍କ ସହ ଚାଲୁଥିବା ନଜର ଆସୁଥିବା ବେଳେ ତାଙ୍କ ଚାରିପାଖରେ ଅନେକ ସୁରକ୍ଷାକର୍ମୀ ଉପସ୍ଥିତ ଅଛନ୍ତି।

ରାଜନୀକ‌ାନ୍ତ ରାଜପଥରେ ଚାଲିଚାଲି ଯାଉଥିବା ବେଳେ ଅନୁପମ ତାଙ୍କ ଭିଡିଓ କରିବା ସହିତ ସାମ୍ନାକୁ ଆସି ଏକ ସେଲିଫି ନେଇଥିଲା। ଅନୁପମଙ୍କ ସହ ସେଲଫି ନେଉଥିବା ବେଳେ ରଜନୀକାନ୍ତ ହସି ଦେଇଥିଲେ। ସୁପରଷ୍ଟାରଙ୍କ ଏହି ସରଳ ସ୍ବଭାବ ପାଇଁ ତାଙ୍କୁ ପିଲା ଠାରୁ ବୃଦ୍ଧ, ସାଧାରଣଲୋକଙ୍କ ଠାରୁ ଆରମ୍ଭ କରି ସୁପରଷ୍ଟାର ଓ ନେତାମାନେ ଖୁବ ଭଲ ପାଆନ୍ତି।