ଲକ୍ଷ୍ମୌ: ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ସୁରକ୍ଷା ଏବଂ ମହିଳାଙ୍କ ସମ୍ମାନର ବାର୍ତ୍ତା ଦେଉଥିବା ସମାଜବାଦୀ ପାର୍ଟି ଜଣେ ମା’ର ଯନ୍ତ୍ରଣାକୁ ଅଣଦେଖା କରିଛି। କେବଳ ଏତିକି ନୁହେଁ, ପୀଡ଼ିତା ମା’ ସପା ମୁଖ୍ୟ ଅଖିଳେଶ ଯାଦବଙ୍କ କାର୍ଯ୍ୟାଳୟରେ ପହଞ୍ଚିବାରୁ ତାଙ୍କୁ ଘୋଷାଡି ଘୋଷାଡି ବାହାର କରାଯାଇଥିଲା। ମହିଳାଙ୍କ ସହ ଅସଦାଚରଣର ଭିଡିଓକୁ ବିଜେପି ମୁଖପାତ୍ର ସମ୍ବିତ ପାତ୍ରା ତାଙ୍କ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସମ୍ବିତ ପାତ୍ରା ଏହି ଭିଡିଓକୁ ଟ୍ୱିଟ୍ କରି ଲେଖିଛନ୍ତି, ‘ସମାଜବାଦର ସମାଜ ପ୍ରତି ସମ୍ବେଦନଶୀଳତା ଦେଖନ୍ତୁ… ସପା ନେତାଙ୍କ ପୁଅ ରଜୋଲ ସିଂ ଜଣେ ଝିଅକୁ ବନ୍ଧକ ରଖିଛନ୍ତି, ଯେତେବେଳେ ଉକ୍ତ ଝିଅର ମା ନ୍ୟାୟ ପାଇଁ ସପା ଅଫିସ ବାହାରେ ଅଖିଳେଶ ଜିଙ୍କୁ ଭେଟିବାକୁ ଯାଇଥିଲେ, ସେତେବେଳେ ଅଖିଳେଶ ଜି ପୀଡିତାଙ୍କ ମାଙ୍କୁ ଭେଟିବା ପରିବର୍ତ୍ତେ ତାଙ୍କୁ ଟାଣି ସେଠାରୁ ହଟାଇ ଦିଆଯାଇଥିଲା .. ଏହା ହେଉଛି ସମାଜବାଦ ନ୍ୟାୟ ମଡେଲ ।
समाजवाद का समाज के प्रति असंवेदनशीलता तो देखिये..
सपा नेता के पुत्र रजोल सिंह ने बेटी को बंधक बनाया हुआ है, न्याय के लिए माँ जब सपा कार्यालय के बाहर अखिलेश जी से मिलने आई तो अखिलेश जी ने पीड़िता की मां से मिलने के बजाय उन्हें घसीट कर के हटवा दिया..
समाजवाद का यही न्याय मॉडल है। pic.twitter.com/htFA3UprFm
— Sambit Patra (@sambitswaraj) January 24, 2022
ଗଣମାଧ୍ୟମ ରିପୋର୍ଟ ଅନୁଯାୟୀ, ଅଖିଳେଶ ଯାଦବଙ୍କ ନିକଟରେ ଅଭିଯୋଗ କରିବାକୁ ଆସିଥିବା ମହିଳାଙ୍କୁ ଉନ୍ନାଓର ବୋଲି କୁହାଯାଉଛି। ରଜୋଲ ସିଂଙ୍କ ତାଙ୍କ ଝିଅକୁ ବନ୍ଧକ ରଖିଛନ୍ତି ବୋଲି ମହିଳା ଅଭିଯୋଗ କରିଛନ୍ତି।
ମହିଳା ଜଣକ କହିଛନ୍ତି ଯେ ଝିଅକୁ ବଞ୍ଚାଇବା ପାଇଁ ଅନେକ ଦିନ ଧରି ପୁଲିସ ଷ୍ଟେସନ ଏବଂ ପୁଲିସ ଅଧିକାରୀଙ୍କ ନିକଟରେ ନିବେଦନ କରିଛନ୍ତି, କିନ୍ତୁ ତାଙ୍କ କଥା କେହି ଶୁଣି ନଥିଲେ।
ଯେତେବେଳେ ମହିଳା ସପା ପ୍ରମୁଖ ଅଖିଳେଶ ଯାଦବଙ୍କ ନିକଟରେ ପହଞ୍ଚିଥିଲେ, ସେତେବେଳେ ତାଙ୍କୁ ଅସଦାଚରଣ କରାଯାଇଥିଲା। ତାଙ୍କୁ ଅଖିଳେଶ ଯାଦବଙ୍କୁ ଭେଟିବାକୁ ଦିଆଯାଇ ନଥିଲା ବରଂ ତାଙ୍କୁ ରାସ୍ତାରୁ ଟାଣି ନିଆଯାଇଥିଲା।