ମହାକାଶ ବୁଲିବାକୁ ଯାଇ ସୁରକ୍ଷିତ ଭାବେ ଫେରିଆସିଲେ ୪ଜଣ ପର୍ଯ୍ୟଟକ
ନୂଆଦିଲ୍ଲୀ: ୩ ଦିନ ପୃଥିବୀ ଚାରିପଟେ ମହାକାଶରେ ବିଚରଣ କରି ଅଭୁତପୂର୍ବ ଦୃଶ୍ୟକୁ ଉପଭୋଗ କରିବା ପରେ ଫ୍ଲୋରିଡା ନିକଟ ଆଟଲାଣ୍ଟିକ୍ ମହାସାଗର ତଟରେ ୪ ଜଣ ସାଧାରଣ ନାଗରିକଙ୍କୁ ସୁରକ୍ଷିତ ଅବତରଣ କରାଇଛି ସ୍ପେସ୍ –ଏକ୍ସ ଯାନ । ଏହାସହ ମହାକାଶ ପର୍ଯ୍ୟଟନ କ୍ଷେତ୍ରରେ ଇତିହାସ ସୃଷ୍ଟି ହୋଇଛି । କେପ୍ କାନଭେରାଲ ପ୍ରତିଯୋଗିତାରେ ବିଜୟୀ ହୋଇଥିବା ୨ଜଣ ବିଜୟୀଙ୍କ ସହ ଜଣେ ସ୍ୱାସ୍ଥ୍ୟ କର୍ମୀ ଓ ତାଙ୍କୁ ଆର୍ଥିକ ସହାୟତା ଯୋଗାଇଥିବା ଧନୀକ ବ୍ୟକ୍ତିଙ୍କୁ ନେଇ ପ୍ରଥମ ମହାକାଶ ପର୍ଯ୍ୟଟନ ଆରମ୍ଭ କରିଥିଲା ସ୍ପେସ୍-ଏକ୍ସ ମହାକାଶ ଯାନ ।
Sambad is now on WhatsApp
Join and get latest news updates delivered to you via WhatsApp
ଏମାନେ ହେଲେ ଏହି ଅଭିଯାନର ନେତୃତ୍ୱ ନେଇଥିବା ୩୮ ବର୍ଷିୟ ଜରେଡ୍ ଇସା କମୈନ୍, ୨୯ ବର୍ଷିୟା ଉବ୍ରି ହେଲେ ଆର୍ସେନେକ, ୪୨ ବର୍ଷିୟ କ୍ରିସ୍ ସେମ୍ବ୍ରୋସ୍କି, ଓ ୫୧ ବର୍ଷିୟ ଜଣେ ଶିକ୍ଷକ ସିୟାନ୍ ପ୍ରୋକ୍ଟର ।ଏହା ଥିଲା ପ୍ରଥମ ଘରୋଇ ମହାକାଶ ଯାନ । ମହାକାଶକୁ ଯିବା ଓ ପ୍ରତ୍ୟାବର୍ତ୍ତନ କରିବା ସମୟ ସବୁକିଛି ନିର୍ଦ୍ଧାରିତ ହୋଇଥିଲା ।
ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନଠାରୁ ୧୬୦ କିଲୋମିଟର ଉଚ୍ଚରେ ନିର୍ଦ୍ଧାରିତ କକ୍ଷପଥରେ ଥାଇ ପୃଥିବୀ ଚାରିପଟେ ୩ ଦିନ ବୁଲିବା ପରେ ଏହା ଫ୍ଲୋରିଡା କୂଳ ସମୁଦ୍ର ତଟରେ ପର୍ଯ୍ୟଟକଙ୍କୁ ଅବତରଣ କରାଇଛି । ଏହାପୂର୍ବରୁ ଗତ ଜୁଲାଇ ମାସରେ ଅନ୍ୟ ୨ ଜଣ କୋଟିପତି ମହାକାଶ ପର୍ଯ୍ୟଟନରେ ଖୁବ୍ କମ ସମୟ ପାଇଁ ଯାଇ ସୁରକ୍ଷିତ ଫେରି ଆସିଥିଲେ |