ନୂଆଦିଲ୍ଲୀ: ନିଜ ବିବାହକୁ ସ୍ମରଣୀୟ କରିବାକୁ ସମସ୍ତଙ୍କ ଇଚ୍ଛା ଥାଏ | ଲୋକମାନେ ସେମାନଙ୍କର ବିବାହକୁ ସ୍ୱତନ୍ତ୍ର କରିବାକୁ ଚେଷ୍ଟା କରନ୍ତି, କିନ୍ତୁ ବେଳେବେଳେ ଏପରି ଘଟଣା ଘଟେ, ଯାହାକି ସୁଖ ବଦଳରେ ଦୁଃଖ ଦେଇଥାଏ | ବାସ୍ତବରେ ଆଜିକାଲି ନିଜ ବିବାହ ଫଟୋସୁଟକୁ ଆକର୍ଷଣୀୟ କରିବାକୁ ବର-କନ୍ୟା କିଛି ଏଭଳି ପନ୍ଥା ଆପଣାଉଛନ୍ତି, ଯାହାକି ପରବର୍ତ୍ତୀ ସମୟରେ ସେମାନଙ୍କ ପାଇଁ ମହଙ୍ଗା ସାବ୍ୟସ୍ତ ହେଉଛି | ଏବେ ଏମିତି ଏକ ଭିଡିଓ ଭାଇରାଲ୍ ହୋଇଛି, ଯେଉଁଥିରେ ଦେଖିବାକୁ ମିଳିଛି ଯେ, ବିବାହ ସମୟରେ ଷ୍ଟଣ୍ଟ ସବୁବେଳେ ସୁରକ୍ଷିତ ହୋଇନପାରେ।
Sambad is now on WhatsApp
Join and get latest news updates delivered to you via WhatsApp
Idk what’s wrong with people these days they are treating wedding days more like parties and this is how they ruin their perfect day. 🤷♀️ pic.twitter.com/5o626gUTxY
— Aditi. (@Sassy_Soul_) March 31, 2023
ବାସ୍ତବରେ, ଏକ ଭିଡିଓରେ ବର-କନ୍ୟା ସ୍ପାର୍କଲ ଗନ ସହିତ ପୋଜ୍ କରୁଥିବା ଦେଖିବାକୁ ମିଳୁଛି | ଉଭୟଙ୍କ ହାତରେ ସ୍ପାର୍କଲ ଗନ ଥିବାବେଳେ ଉଭୟ କ୍ୟାମେରାକୁ ଦେଖି ହସୁଛନ୍ତି | ତା’ପରେ ଦମ୍ପତି ନିଜ ନିଜ ବନ୍ଧୁକର ଟ୍ରିଗର ଦବେଇଥିଲେ | ଏହି ସମୟରେ କନ୍ୟା ସହିତ ଏକ ହୃଦୟ ବିଦାରକ ଦୁର୍ଘଟଣା ଘଟିଯାଇଛି | ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ କନ୍ୟା ଚଳାଇଥିବା ବନ୍ଧୁକ ହଠାତ ଫାଟିଯାଉଛି | ଆଉ ନିଆଁ ଝୁଲ ତାଙ୍କ ଉପରେ ପଡୁଛି | ବନ୍ଧୁକରେ ବିସ୍ଫୋରଣ ହୋଇ କନ୍ୟାଙ୍କ ମୁହଁରେ ପଡୁଛି | ଏଥିରେ କନ୍ୟା ଜଣକ ଚିତ୍କାର କରିଥିବାବେଳେ ଉପସ୍ଥିତ ଲୋକମାନେ ତୁରନ୍ତ କନ୍ୟାଙ୍କୁ ଉଦ୍ଧାର କରିଛନ୍ତି |