କୁମାରସ୍ୱାମୀ ସରକାରକୁ ସମର୍ଥନ କରିବାକୁ ଆମକୁ ଧମକ ଦିଆଯାଉଛି : ପୁଣି ସୁପ୍ରିମକୋର୍ଟ ଗଲେ ୫ ବିଦ୍ରୋହୀ ବିଧାୟକ
ନୂଆଦିଲ୍ଲୀ : କର୍ଣ୍ଣାଟକରେ ଚାଲିଥିବା ରାଜନୈତିକ ନାଟକ ଶେଷ ହେବାର ନାଁ ଧରୁନାହିଁ । ଆଜି ୫ ଜଣ ବିଦ୍ରୋହୀ ବିଧାୟକ ପୁଣି ଥରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ସେମାନେ ସୁପ୍ରିମକୋର୍ଟରେ ଏକ ପିଟିସନ ଦାଏର କରି କହିଛନ୍ତି ଯେ ବାଚସ୍ପତି ରମେଶ କୁମାର ସେମାନଙ୍କ ଇସ୍ତଫା ଗ୍ରହଣ କରୁନାହାନ୍ତି ଓ ଦଳ ଛାଡିବାକୁ ଦେଉନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ସେମାନେ ଏହି ପିଟିସନରେ ଆହୁରି ମଧ୍ୟ ଦର୍ଶାଇଛନ୍ତି ଯେ ଆଗାମୀ ଆସ୍ଥାଭୋଟରେ ଏଚ.ଡି. କୁମାରସ୍ୱାମୀ ସରକାରକୁ ସମର୍ଥନ କରିବାକୁ ସେମାନଙ୍କୁ ଧମକ ଦିଆଯାଉଛି । ଏହି ୫ ଜଣ ବିଧାୟକଙ୍କ ପିଟିସନର ଶୁଣାଣି ଆସନ୍ତା କାଲି (ଜୁଲାଇ ୧୬)ରେ ହେବ । ପ୍ରଧାନ ବିଚାରପତି ଜଷ୍ଟିସ ରଂଜନ ଗୋଗୋଇଙ୍କ ଅଧ୍ୟକ୍ଷତାରେ ଥିବା ଏକ ଖଣ୍ଡପୀଠ ଏହାର ଶୁଣାଣି କରିବେ । ସୂଚନାଯୋଗ୍ୟ ଯେ ଆସନ୍ତା ଗୁରୁବାରଦିନ କର୍ଣ୍ଣାଟକର ଏଚ.ଡି. କୁମାରସ୍ୱାମୀ ସରକାର ଆସ୍ଥା ଭୋଟ ଲୋଡିବେ । କିନ୍ତୁ ବିଦ୍ରୋହୀ ବିଧାୟକମାନେ ଏବେ ମୁମ୍ବାଇରେ ରହିଛନ୍ତି ଓ ଆସ୍ଥାଭୋଟ ପାଇଁ ବାଙ୍ଗାଲୁରୁ ଯିବାର ସମ୍ଭାବନା କମ ବୋଲି କୁହାଯାଉଛି ।