ଆକାଶରେ ରୋମାନ୍ସ: ପ୍ରେମପକ୍ଷୀଙ୍କୁ ୪୫ ମିନିଟର ସ୍ୱତନ୍ତ୍ର ମୁହୂର୍ତ୍ତ ଯୋଗାଇବ ବିମାନ କମ୍ପାନୀ
ଲାସ୍ ଭେଗାସ: ବିମାନ ଯାତ୍ରା ସମୟରେ ଅନେକ ନିୟମ ଅଛି ଯାହାକୁ ଉଲ୍ଲଂଘନ କରାଯାଇପାରିବ ନାହିଁ | ଯାତ୍ରା ସମୟରେ ବିମାନରେ ଯୌନ ସମ୍ପର୍କ ରଖିବା କଥା ଛାଡ଼ନ୍ତୁ ରୋମାନ୍ସ କରିବା ମଧ୍ୟ ଲୋକଙ୍କ ପାଇଁ କଷ୍ଟକର ହୋଇଥାଏ | ଅବଶ୍ୟ, ବର୍ତ୍ତମାନ ଏକ ଏୟାରଲାଇନ୍ସ ଏପରି ଏକ ଅଫର ଆଣିଛି, ଯାହା ଦ୍ୱାରା ଆପଣ କେବଳ ପ୍ରେମ କରିବାର ସ୍ୱାଧୀନତା ପାଇବେ ନାହିଁ ବରଂ ଆପଣଙ୍କ ଗୋପନୀୟତା ପ୍ରତି ମଧ୍ୟ ଯତ୍ନ ନିଆଯିବ |
Sambad is now on WhatsApp
Join and get latest news updates delivered to you via WhatsApp
ଆମେରିକାର ଲାସ୍ ଭେଗାସ୍ ଏୟାରଲାଇନ ଏହି ନିଆରା ଯୋଜନା ଆରମ୍ଭ କରିଛି। ବିଶେଷ କଥା ହେଉଛି କମ୍ ଟଙ୍କା ଦେଇ ମଧ୍ୟ ଆକାଶରେ ରୋମାନ୍ସର ସ୍ୱପ୍ନ ପୂରଣ ହୋଇପାରିବ | ଏୟାରଲାଇନ ପକ୍ଷରୁ ୪୫ ମିନିଟର ପ୍ଲାନ ଆରମ୍ଭ କରାଯାଇଛି | ଏହି ଯୋଜନା ପାଇଁ ଆପଣଙ୍କୁ ପ୍ରାୟ ୭୪ ହଜାର ଟଙ୍କା ଦେବାକୁ ପଡିବ | ଏୟାରଲାଇନର କହିବା ଅନୁଯାୟୀ, ବିମାନରେ ଅଲଗା ଅଲଗା କୋଠରୀ ଭଳି ସୁବିଧା ରହିବ। ନିୟମ ମୁତାବକ ବିମାନରେ ଥିବା ପାଇଲଟ୍ ହେଡଫୋନ୍ ପିନ୍ଧିବେ ଏବଂ ଉଡ଼ାଣ ସମୟରେ କୌଣସି ଯାତ୍ରୀଙ୍କୁ ଡିଷ୍ଟର୍ବ କରିବେ ନାହିଁ |
ଏଥିରେ ଏପରି ଏକ ନିୟମ ମଧ୍ୟ ଅଛି ଯେ ପାଇଲଟ କକପିଟରୁ ବାହାରକୁ ଯିବେ ନାହିଁ | ଏହି ଯୋଜନା ଆଣିଥିବା କମ୍ପାନୀର ନାମ ହେଉଛି ‘ଲଭ୍ କ୍ଲାଉଡ୍’ | କମ୍ପାନୀ କହିଛି ଯେ ଏହି ଅନନ୍ୟ ଅନୁଭୂତି ପ୍ରଦାନ କରି ଏହା ଲୋକଙ୍କ ସମ୍ପର୍କକୁ ମଧୁର କରିବା ଏବଂ ବିବାହକୁ ବଞ୍ଚାଇବା ପାଇଁ କାର୍ଯ୍ୟ କରୁଛି |