ବାଟ ଛାଡ ଆମ୍ବୁଲାନ୍ସ ଆସୁଛି.. ହଠାତ୍ ଅଚେତ ହୋଇପଡିଲେ ଭକ୍ତ, ଆମ୍ବୁଲାନ୍ସ ପାଇଁ ଦି’ଭାଗ ହେଇଗଲା ବଡ଼ଦାଣ୍ଡ ଭିଡ଼

ପୁରୀ: ଚାଲିଥିଲା ଶ୍ରୀଜିଉଙ୍କ ପହଣ୍ଡି । ବଡଦାଣ୍ଡରେ ଶ୍ରୀଜିଉଙ୍କ ଦିବ୍ୟ ପହଣ୍ଡି ଦେଖୁଥିଲେ ଲକ୍ଷଲକ୍ଷ ଭକ୍ତ । ହେଲେ ୟାରି ଭିତରେ ହଠାତ୍ ଅଚେତ ହୋଇପଡିଲେ କିଛି ଭକ୍ତ । ଗରମ ଓ ଗୁଳୁଗୁଳି ପାଇଁ ଅସୁସ୍ଥ ହୋଇପଡିଲେ ଭକ୍ତ । ସାଙ୍ଗେ ସାଙ୍ଗେ ଅଗ୍ନିଶମ ବାହିନୀ ଦ୍ବାରା ଷ୍ଟେଚରରେ ସେମାନଙ୍କୁ ବୋହି ନେଇଥିବା ବେଳେ ଆମ୍ବୁଲାନ୍ସକୁ ଜରିଆରେ ମେଡିକାଲ ପଠାଯାଇଛି । 

#WATCH | Puri, Odisha | RSS volunteers help create a special corridor for ambulances transporting devotees who need medical attention at the Rath Yatra, where thousands have gathered

Multiple agencies, including the Police, the National Disaster Response Force, the Rapid Action… pic.twitter.com/wcyqJ8c7U3

— ANI (@ANI) June 27, 2025

ଆଉ ଏହି ସମୟରେ ଦେଖିବାକୁ ମିଳିଛି ଏକ ନିଆରା ଦୃଶ୍ୟ । ରଥଯାତ୍ରା ପାଇଁ ପୁରୀରେ ଜନସମୁଦ୍ର ଲହଡି ଭାଙ୍ଗୁଥିବା ବେଳେ ଆମ୍ବୁଲାନ୍ସ ପାଇଁ ୨ ଭାଗ ହୋଇଯାଇଛି ବଡଦାଣ୍ଡ । ଗହଳି ପୂରା ଦୁଇ ଭାଗ ହେଇଗଲା ଜରୁରୀକାଳୀନ ସେବା ପାଇଁ ଆଉ ଆମ୍ବୁଲାନ୍ସ ସେହି ଗହଳି ଆଡେଇ ଆଗକୁ ଆଗକୁ ମାଡିଗଲା । 

ତେବେ ଆମ୍ବୁଲାନ୍ସକୁ ବାଡ କଢେଇ ନେବାକୁ ଆରଏସଏସର ସ୍ବେଚ୍ଛାସେବୀମାନେ ସଙ୍ଗେସଙ୍ଗେ ଏକ କରିଡର ତିଆରି କରିଦେଲେ । ହାତକୁ ହାତ ଛଡି ଆମ୍ବୁଲାନ୍ସ ପାଇଁ କରିଡର କରିବା ପରେ ଭକ୍ତିର ଭିଡରେ ଆଗକୁ ଯାଇଛି ଆମ୍ବୁଲାନ୍ସ ।