ସ୍ୱତନ୍ତ୍ର ବିମାନ ଯୋଗେ ଦିଲ୍ଲୀରୁ ଆମେରିକା ଯିବେ ଭାରତରେ ଫସିଥିବା ୧୦୦ ଆମେରିକୀୟ ନାଗରିକ
ନୂଆଦିଲ୍ଲୀ: କରୋନା ସଂକ୍ରମଣକୁ ରୋକିବା ପାଇଁ ସାରା ଭାରତକୁ ଲକଡାଉନ କରାଯିବ ପରେ ପ୍ରାୟ ୧୦୦ଜଣ ଆମେରିକୀୟ ନାଗରିକ ଭାରତରେ ଫସି ରହିଥିଲେ | ବର୍ତ୍ତମାନ ସେମାନଙ୍କୁ ଆମେରିକା ଫେରାଇନେବା ପାଇଁ ଏକ ସ୍ୱତନ୍ତ୍ର ବିମାନର ବ୍ୟବସ୍ଥା କରାଯାଇଛି | ଆଜି ୧୦୦ଜଣ ଆମେରିକୀୟ ନାଗରିକ କୋଲକାତାରୁ ଦିଲ୍ଲୀ ଅଭିମୁଖେ ଯାତ୍ରା କରିବେ। ଦିଲ୍ଲୀରୁ ଯାତ୍ରୀମାନେ ଆମେରିକା ପାଇଁ ୟୁନାଇଟେଡ୍ ଏୟାରଲାଇନ୍ସର ଏକ ସ୍ୱତନ୍ତ୍ର ବିମାନ ଯୋଗେ ଆମେରିକାକୁ ଯାତ୍ରା ଆରମ୍ଭ କରିବେ ବୋଲି ଜଣା ପଡିଛି।
Sambad is now on WhatsApp
Join and get latest news updates delivered to you via WhatsApp
ସେହିଭଳି ଭାବରେ କରୋନାଭାଇରସ୍ ପାଇଁ ସାରା ଭାରତ ଲକଡାଉନ ଥିବାରୁ ଭାରତରେ ଅଟକି ରହିଥିବା ବ୍ରିଟିଶ ନାଗରିକମାନଙ୍କୁ ଘରକୁ ଫେରାଇନେବା ପାଇଁ ବ୍ରିଟେନ ପ୍ରଥମ ସାତଟି ଚାର୍ଟର୍ ବିମାନ ଘୋଷଣା କରିଛି । ଚାର୍ଟର୍ ବିମାନଗୁଡିକ ଗୋଆ, ମୁମ୍ବାଇ ଏବଂ ନୂଆଦିଲ୍ଲୀରୁ ଲଣ୍ଡନ ଅଭିମୁଖେ ଯାତ୍ରା କରିବ | ଗୋଆରୁ ଏପ୍ରିଲ ୮, ୧୦ ଏବଂ ୧୨ତାରିଖରେ ଚାର୍ଟର୍ ବିମାନ ଲଣ୍ଡନ ଅଭିମୁଖେ ଯାତ୍ରା କରିବାକୁଥିବା ବେଳେ ମୁମ୍ବାଇରୁ ଏପ୍ରିଲ ୯ ଏବଂ ୧୧ତାରିଖ ଓ ନୂଆଦିଲ୍ଲୀରୁ ୯ ଏବଂ ୧୧ତାରିଖରେ ଚାର୍ଟର୍ ବିମାନ ଲଣ୍ଡନ ଅଭିମୁଖେ ଯାତ୍ରା କରିବ | ବ୍ରିଟିଶ ଯାତ୍ରୀମାନେ ସିଟ୍ ସଂରକ୍ଷଣ କରିବା ପାଇଁ ସମ୍ପୃକ୍ତ ସହରଗୁଡିକରେ ଥିବା ବୁକିଂ ପୋର୍ଟାଲକୁ ତୁରନ୍ତ ଯିବା ଉଚିତ୍ | ତେବେ ଭାରତର ଅନ୍ୟାନ୍ୟ ସ୍ଥାନରୁ ବ୍ରିଟିଶ ନାଗରିକଙ୍କୁ ନେବା ପାଇଁ ଅଧିକ ବିମାନ ଉଡ଼ାଣ ବିଷୟରେ ସୂଚନା ଖୁବ୍ ଶୀଘ୍ର ସାମ୍ନାକୁ ଆସିବ ବୋଲି ଜଣା ପଡିଛି |