ଲଦାଖରେ ମୁତୟନ ହେଲେ ପିଓକେରେ ସର୍ଜିକାଲ ଷ୍ଟ୍ରାଇକ କରିଥିବା ସ୍ପେଶାଲ ଫୋର୍ସ
ଲଦାଖ: ଚୀନ୍ ସହ ଚାଲିଥିବା ତିକ୍ତତା ମଧ୍ୟରେ ଭାରତ ଲଦାଖରେ ସ୍ୱତନ୍ତ୍ର ବାହିନୀ ବା ସ୍ପେଶାଲ ଫୋର୍ସକୁ ମୁତୟନ କରିଛି। ସୂଚନାନୁସାରେ, ଦେଶର ବିଭିନ୍ନ ସ୍ଥାନରୁ ପାରା ସ୍ପେଶାଲ ଫୋର୍ସର ୟୁନିଟକୁ ଲଦାଖକୁ ନିଆଯାଇଛି ଯେଉଁଠାରେ ସେମାନେ ଅଭ୍ୟାସ କରୁଛନ୍ତି। ୨୦୧୭ ରେ ପାକିସ୍ତାନ ବିରୋଧରେ ହୋଇଥିବା ସର୍ଜିକାଲ ଷ୍ଟ୍ରାଇକରେ ସ୍ୱତନ୍ତ୍ର ବାହିନୀ ଏକ ପ୍ରମୁଖ ଭୂମିକା ଗ୍ରହଣ କରିଥିଲେ। ସୂତ୍ରରୁ ପ୍ରକାଶ ଯେ ଆବଶ୍ୟକ ହେଲେ ସେଗୁଡିକ ଚୀନ୍ ବିରୋଧରେ ମଧ୍ୟ ବ୍ୟବହାର କରାଯାଇପାରିବ।
Sambad is now on WhatsApp
Join and get latest news updates delivered to you via WhatsApp
କୁହାଯାଉଛି ଯେ ପୂର୍ବ ଲଦାଖରେ ସ୍ୱତନ୍ତ୍ର ବାହିନୀ ସୈନ୍ୟ ମୁତୟନ କରାଯାଇଛି। ସେମାନଙ୍କର ଭୂମିକା ବିଷୟରେ ସେମାନଙ୍କୁ ସମ୍ପୂର୍ଣ୍ଣ ଭାବେ ଅବଗତ କରାଯାଇଛି, ଯାହା ଚୀନ୍ ସହିତ ଶତ୍ରୁତା ବଢିଲେ ତାହା କରିବାକୁ ପଡିପାରେ | ଭାରତରେ ୧୨ ରୁ ଅଧିକ ସ୍ୱତନ୍ତ୍ର ଫୋର୍ସ ରେଜିମେଣ୍ଟ ଅଛନ୍ତି, ଯେଉଁମାନେ ବିଭିନ୍ନ ସ୍ଥାନରେ ତାଲିମ ନେଉଛନ୍ତି |
ଜାମ୍ମୁ କାଶ୍ମୀରରେ ନିୟୋଜିତ ସ୍ୱତନ୍ତ୍ର ବାହିନୀ ନିୟମିତ ଭାବେ ଲେହ ଏବଂ ଏହାର ଆଖପାଖରେ ଯୁଦ୍ଧାଭ୍ୟାସ କରନ୍ତି। ଏଠାରେ ସୂଚନା ଥାଉ କି ମେ ମାସ ଆରମ୍ଭରୁ ଭାରତ ଏବଂ ଚୀନ୍ ମଧ୍ୟରେ ତିକ୍ତତା ସୃଷ୍ଟି ହୋଇଛି । ୧୫ ଜୁନ୍ ରେ ଲଦାଖର ଗାଲବାନ ଉପତ୍ୟକାରେ ହିଂସାତ୍ମକ ସଂଘର୍ଷ ପରେ ଏହି ଉତ୍ତେଜନା ବୃଦ୍ଧି ପାଇଛି | ଏହି ସଂଘର୍ଷରେ ଭାରତର ୨୦ ଜଣ ଯବାନ ସହିଦ ହୋଇଥିବାବେଳେ ଚୀନ୍ ଏହାର ସୈନିକଙ୍କ ମୃତ୍ୟୁ ସମ୍ପର୍କରେ କୌଣସି ସୂଚନା ଦେଇ ନାହିଁ।