ସର୍ଜିକାଲ ଷ୍ଟ୍ରାଇକ କରିଥିବା ଯବାନ ଏବେ ଏହି ଦେଶର ସେନାକୁ ଦେବେ ଟ୍ରେନିଂ
ନୂଆଦିଲ୍ଲୀ: ଉରୀ ଆକ୍ରମଣ ପରେ ପାକିସ୍ତାନରେ ଲୁଚିଥିବା ଆତଙ୍କବାଦୀଙ୍କୁ ପାନେ ଦେବା ପାଇଁ ଭାରତୀୟ ସେନା ପକ୍ଷରୁ ସର୍ଜିକାଲ ଷ୍ଟ୍ରାଇକ କରାଯାଇଥିଲା | ଆଉ ସର୍ଜିକାଲ ଷ୍ଟ୍ରାଇକରେ ଅଂଶଗ୍ରହଣ କରିଥିବା ଭାରତୀୟ ସେନାର ସାହସୀ ଯବାନଙ୍କ ବୀରତ୍ୱ ତ ଆପଣଙ୍କର ମନେ ଥିବ | ଦେଶର ଏହି ସ୍ପେଶାଲ ଫୋର୍ସଙ୍କ ସୁଚିନ୍ତିତ ରଣନୀତି ବାବଦରେ ଜାଣିବାକୁ ଆଗ୍ରହ ପ୍ରକାଶ କରିଛନ୍ତି କିଛି ଦେଶ | ଆଉ ଏହି ସବୁ ଦେଶର ଯବାନଙ୍କୁ ଏବେ ଟ୍ରେନିଂ ଦେବାକୁ ସମ୍ମତି ପ୍ରକାଶ କରିଛନ୍ତି ସ୍ପେଶାଲ ଫୋର୍ସର ଯବାନ | ମିଳିଥିବା ସୂଚନା ମୁତାବକ ଅଷ୍ଟ୍ରେଲିଆ, ମଧ୍ୟ-ଏସିଆ ଦେଶ, ଆମେରିକାର ସୈନିକଙ୍କୁ ଟ୍ରେନିଂ ଦିଆଯିବ |
Sambad is now on WhatsApp
Join and get latest news updates delivered to you via WhatsApp
ତେବେ ପ୍ରାରମ୍ଭିକ ଭାବେ ଭାରତୀୟ ସେନାର ସ୍ପେଶାଲ ଫୋର୍ସ ଏବେ ତୁର୍କମେନିସ୍ତାନର ସୈନିକଙ୍କୁ ଏବେ ଟ୍ରେନିଂ ଦେବା ଆରମ୍ଭ କରିଛି | ଆତଙ୍କବାଦୀଙ୍କ ସହ ଲଢେଇ ସହ ଗୁପ୍ତ ଅପରେସନକୁ କିଭଳି କାର୍ଯ୍ୟକାରୀ କରାଯିବ ସେ ବାବଦରେ ଏବେ ସ୍ପେଶାଲ ଫୋର୍ସ ଟ୍ରେନିଂ ଦେଉଛନ୍ତି |
ଆଉ କିଛି ଦିନ ପରେ ସ୍ପେଶାଲ ଫୋର୍ସର ଯବାନ ଅଷ୍ଟ୍ରେଲିଆ, ମଧ୍ୟ-ଏସିଆ ଦେଶ, ଆମେରିକାର ସୈନିକଙ୍କୁ ମଧ୍ୟ ଟ୍ରେନିଂ ଦେବେ | ସୂଚନା ଥାଉ କି ଭାରତରେ ସ୍ପେଶାଲ ଫୋର୍ସର ଗଠନ ୧୯୬୫ ମସିହାରେ କରାଯାଇଥିଲା | ସ୍ପେଶାଲ ଫୋର୍ସର ସଫଳତା ବାବଦରେ କହିବାକୁ ଗଲେ ପାକିସ୍ତାନ ଅଧିକୃତ କାଶ୍ମୀରରେ ସର୍ଜିକାଲ ଷ୍ଟ୍ରାଇକ ଛଡା ମିଆଁମାରରେ ସ୍ପେଶାଲ ଅପରେସନ କରିବାରେ ପ୍ରମୁଖ ଭୂମିକା ନିର୍ବାହ କରିଥିଲେ |