ଷ୍ଟକବଜାରରେ ନଭେମ୍ବର ୧ ସଂଧ୍ୟା ୬ରୁ ୭ଟା ପର୍ଯ୍ୟନ୍ତ ହେବ ମହୁରତ ଟ୍ରେଡିଂ

ମୁମ୍ବାଇ : ଏ ବର୍ଷ ଦୀପାବଳିକୁ ନେଇ ଦ୍ବନ୍ଦ୍ବ ଜାରି ରହିଥିବାବେଳେ ଦେଶର କେତେକ ଅଂଚଳରେ ଆଜି ଅର୍ଥାତ୍ ଅକ୍ଟୋବର ୩୧ ରେ ଏହି ପର୍ବ ପାଳନ କରାଯାଉଛି । ତେବେ କେତେକ ଆସନ୍ତା କାଲି ଅର୍ଥାତ ନଭେମ୍ବର ପହିଲାରେ ଏହାକୁ ପାଳନ କରୁଛନ୍ତି । ଷ୍ଟକ ବଜାରରେ ନଭେମ୍ବର ୧ରେ ଦୀପାବଳି ଓ ସ୍ବତନ୍ତ୍ର ମହୁରତ ଟ୍ରେଡିଂ ସେସନ ଆୟୋଜନ କରାଯିବ । ଏହି କାରଣରୁ ଆଜି ବଜାର ଖୋଲା ଅଛି ଓ କାରବାର ଜାରି ରହିଛି । 

ନଭେମ୍ବର ପହିଲାରେ ଦୀପାବଳି ଅବସରରେ ବମ୍ବେ ଷ୍ଟକ ଏକ୍ସଚେଞ୍ଜ ଓ ନ୍ୟାସନାଲ ଷ୍ଟକ ଏକ୍ସଚେଞ୍ଜରେ ଏକ ଘଣ୍ଟା ପାଇଁ ଏକ ସ୍ୱତନ୍ତ୍ର ଟ୍ରେଡିଂ ଅଧିବେଶନର ଆୟୋଜନ କରିବେ । ଏହା ନୂଆ ବର୍ଷ - ବିକ୍ରମ ସମ୍ବତ ୨୦୮୧ ଆରମ୍ଭର ପ୍ରତୀକ ହେବ। ନଭେମ୍ବର ୧  ସନ୍ଧ୍ୟା ୬ଟାରୁ ସନ୍ଧ୍ୟା ୭ଟା ମଧ୍ୟରେ ସ୍ବତନ୍ତ୍ର ମହୁରତ ଟ୍ରେଡିଂ ଅନୁଷ୍ଠିତ ହେବ।

ନଭେମ୍ବର ପହିଲାରେ ଦୀପାବଳି ଅବସରରେ ବମ୍ବେ ଷ୍ଟକ ଏକ୍ସଚେଞ୍ଜ ଓ ନ୍ୟାସନାଲ ଷ୍ଟକ ଏକ୍ସଚେଞ୍ଜରେ ଏକ ଘଣ୍ଟା ପାଇଁ ଏକ ସ୍ୱତନ୍ତ୍ର ଟ୍ରେଡିଂ ଅଧିବେଶନର ଆୟୋଜନ କରିବେ । ଏହା ନୂଆ ବର୍ଷ - ବିକ୍ରମ ସମ୍ବତ ୨୦୮୧ ଆରମ୍ଭର ପ୍ରତୀକ ହେବ। ନଭେମ୍ବର ୧  ସନ୍ଧ୍ୟା ୬ଟାରୁ ସନ୍ଧ୍ୟା ୭ଟା ମଧ୍ୟରେ ସ୍ବତନ୍ତ୍ର ମହୁରତ ଟ୍ରେଡିଂ ଅନୁଷ୍ଠିତ ହେବ। ଏହି ଅଧିବେଶନରେ ନୂଆ ହିନ୍ଦୁ କ୍ୟାଲେଣ୍ଡର ବର୍ଷ ମଧ୍ୟ ଆରମ୍ଭ ହେଉଛି । ବିଶ୍ୱାସ କରାଯାଏ ଯେ ଏହି ଶୁଭ ମୁହୂର୍ତ୍ତରେ ବ୍ୟବସାୟ କରିବା ଦ୍ୱାରା ନିବେଶକଙ୍କ ପାଇଁ ସମୃଦ୍ଧି ଏବଂ ଆର୍ଥିକ ଅଭିବୃଦ୍ଧି ହୋଇଥାଏ । ଦୀପାବଳିରେ ନିୟମିତ ବଜାର ବନ୍ଦ ରହିବ, କିନ୍ତୁ ସନ୍ଧ୍ୟାରେ ଏକ ଘଣ୍ଟା ପାଇଁ ସ୍ୱତନ୍ତ୍ର ଟ୍ରେଡିଂ ୱିଣ୍ଡୋ ଖୋଲା ରହିବ।

ବଜାର ଖୋଲିବା ପୂର୍ବରୁ ପ୍ରି-ଓପନିଂ ଅଧିବେଶନ ସନ୍ଧ୍ୟା ୫ଟା ୪୫ରୁ ସନ୍ଧ୍ୟା ୬ଟା ପର‌୍ୟ୍ୟନ୍ତ ରହିବ ବୋଲି ସେୟାର ମାର୍କେଟ ଘୋଷଣା କରିଛି । ବଜାର ବିଶ୍ଳେଷକମାନେ କହିଛନ୍ତି ଯେ ଦୀପାବଳି କିଛି ନୂଆ ଆରମ୍ଭ କରିବା ପାଇଁ ଏକ ଆଦର୍ଶ ସମୟ ବୋଲି ବିବେଚନା କରାଯାଏ ।