ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ୨ୟ ଥର ପାଇଁ ଗୁଜୁରାଟରେ ନର୍ମଦା ନଦୀ ଉପରେ ନିର୍ମିତ ଷ୍ଟାଚ୍ୟୁ ଅପ ୟୁନିଟି ପରିଦର୍ଶନରେ ଯାଇଛନ୍ତି । ଏହି ଅବସରରେ ସେ ଏକ ଭାରତ ଶ୍ରେଷ୍ଠ ଭାରତ ପ୍ୟାରେଡ ପରିଦର୍ଶନ କରିଥିଲେ । କିନ୍ତୁ ଏ ସଂପର୍କରେ ଆଜି ସେ କରିଥିବା ଏକ ଟ୍ଵିଟ ବେଶ ଚର୍ଚ୍ଚାର ବିଷୟ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ମୁଁ ଲୋକମାନଙ୍କୁ ଅନୁରୋଧ କରିବି ଯେ ସେମାନେ କେବଡିଆ ଆସି ଷ୍ଟାଚ୍ୟୁ ଅଫ ୟୁନିଟିକୁ ଦେଖନ୍ତୁ । ତେବେ କେତେକ ବନ୍ଧୁ ଜଣାଇଛନ୍ତି ଯେ ବିମାନରେ ମୁମ୍ବାଇରୁ ଦିଲ୍ଲୀ ଗଲା ବେଳେ ଆକାଶମାର୍ଗରୁ ଏହା ଦେଖାଯାଉଛି । ଏଣୁ ପରବର୍ତ୍ତି ଥର ଯେତେବେଳେ ଆପଣ ଦିଲ୍ଲୀ-ମୁମ୍ବାଇ ବିମାନରେ ଯିବେ ସେତେବେଳେ ଆପଣ ଆକାଶରୁ ଏହି ଷ୍ଟାଚ୍ୟୁ ଅଫ ୟୁନିଟିକୁ ଦେଖିବାକୁ ଚେଷ୍ଟା କରନ୍ତୁ ।
I would specially urge you all to visit Kevadia and see the ‘Statue of Unity.’
Some friends told me that the Statue can also be seen during Delhi-Mumbai flights. So, next time you are flying that route do try to spot the Statue.
— Narendra Modi (@narendramodi) December 21, 2018
ସୂଚନାଯୋଗ୍ୟ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ଅକ୍ଟୋବର ୩୧ରେ ଉଦଘାଟନ କରିଥିଲେ । ଉଦଘାଟନ ପରଠାରୁ ଏହାକୁ ଦେଖିବାକୁ ଲୋକଙ୍କ ମନରେ ପ୍ରବଳ ଆଗ୍ରହ ପରିଲକ୍ଷିତ ହୋଇଛି । ପ୍ରତିଦିନ ପ୍ରାୟ ୩୦ ହଜାର ଦର୍ଶକ ଏଠାକୁ ଆସୁଛନ୍ତି । ୧୮୨ ମିଟର ଉଚ୍ଚତା ବିଶିଷ୍ଟ ବିଶ୍ୱର ଏହି ଉଚ୍ଚତ୍ତମ ପ୍ରତିମୂର୍ତ୍ତି ଉପଗ୍ରହ ଫଟୋଚିତ୍ରରେ ମଧ୍ୟ ସ୍ପଷ୍ଟ ଦେଖାଯାଉଛି ।