ନୂଆଦିଲ୍ଲୀ: ଭାରତରେ ରୁଷର କୋଭିଡ ଟିକା ସ୍ପୁଟନିକ-ଭିକୁ କରୋନା ରୋଗୀଙ୍କ ଚିକିତ୍ସାରେ ବ୍ୟବହାର ପାଇଁ ଅନୁମତି ମିଳିସାରିଛି | ଅନୁମତି ପରେ ଏବେ ଭାରତରେ ରୁଷର ପ୍ରତ୍ୟକ୍ଷ ବିନିଯୋଗ ପାଣ୍ଠି ସହ ମିଶି ଘରୋଇ କମ୍ପାନି ପାନାସିଆ ବାୟୋଟେକ୍ ଭାରତରେ ସ୍ପୁଟ୍ନିକ୍ ଭି କରୋନା ଟିକା ଉତ୍ପାଦନ ଆରମ୍ଭ କରିଛନ୍ତି |

Advertisment

ଏ ମଧ୍ୟରେ ଆପୋଲୋ ଗ୍ରୁପ୍ ଅଫ୍ ହସ୍ପିଟାଲ୍ ଘୋଷଣା କରିଛି ଯେ ଜୁନ୍ ମାସର ଦ୍ୱିତୀୟ ସପ୍ତାହରୁ ଭାରତରେ ଥିବା ଏହାର ଡାକ୍ତରଖାନାଗୁଡ଼ିକରେ ରୁଷର କୋଭିଡ୍ -୧୯ ଟିକା ସ୍ପୁଟନିକ-ଭି ପରିଚାଳନା ଆରମ୍ଭ କରିବ। ଏହାର ଆନୁମାନିକ ମୂଲ୍ୟ ରହିଛି ୧,୧୯୫ ରହିଛି। ଆପୋଲୋ ଗ୍ରୁପ୍‌ର ଜଣେ ଅଧିକାରୀ କହିଛନ୍ତି ଯେ ଟିକା ପାଇଁ ଆମେ ଟିକା ପାଇଁ ୯୯୫ଟଙ୍କା ନେବୁ ଏବଂ ୨୦୦ଟଙ୍କା ପ୍ରଶାସନିକ ଦେୟ ହେବ।

Sputnik V Covid Vaccine To Be Rolled Out At Rs 1,195 In Apollo Hospitals ndtv.com

ଉଲ୍ଲେଖଯୋଗ୍ୟ, ଏପ୍ରିଲ ୧୩ରେ ଏକ୍ସପର୍ଟ କମିଟି ପରେ ସ୍ପୁଟନିକ-ଭିର ଜରୁରୀକାଳିନ ବ୍ୟବହାର ପାଇଁ ଅନୁମତି ଦେଇଥିଲା ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (ଡିସିଜିଆଇ)। ଭାରତରେ କ୍ଲିନିକାଲ ପରୀକ୍ଷଣର ପ୍ରଥମ ପର୍ଯ୍ୟାୟରେ ଥିବା ଏହି ଟିକାର ଜରୁରୀକାଳୀନ ବ୍ୟବହାର ପାଇଁ ଡାକ୍ତର ରେଡ୍ଡୀ ଲ୍ୟାବ ଫେବ୍ରୁଆରି ୧୯ରେ ଆବେଦନ କରିଥିଲେ। ଏହା ପରେ ଏପ୍ରିଲ ୧ରେ ସବଜେକ୍ଟ ଏକ୍ସପର୍ଟ କମିଟି ଡାକ୍ତର ରେଡ୍ଡୀ ଲ୍ୟାବକୁ ପରୀକ୍ଷଣର ପୂରା ତଥ୍ୟ ଏବଂ ଏହା କିଭଳି ପ୍ରତିରୋଧକ ଶକ୍ତି ବଢ଼ାଉଛି ‌ସେ ବିଷୟରେ ସବିଶେଷ ତଥ୍ୟା ଦେବାକୁ କହିଥିଲେ। ଡାକ୍ତର ରେଡ୍ଡୀ ଲ୍ୟାବ ସବୁ ତଥ୍ୟ ଦେବା ପରେ ଗତକାଲି ସବଜେକ୍ଟ ଏକ୍ସପର୍ଟ କମିଟି ଟିକାର ସୀମିତ ବ୍ୟବହାର ପାଇଁ ଅନୁମତି ଦେଇଥିଲେ।

ଅନୁମତି ମିଳିବ ପରେ ମେ' ୨୪ରେ ଭାରତରେ ରୁଷର ପ୍ରତ୍ୟକ୍ଷ ବିନିଯୋଗ ପାଣ୍ଠି ସହ ମିଶି ଘରୋଇ କମ୍ପାନି ପାନାସିଆ ବାୟୋଟେକ୍ ଭାରତରେ ସ୍ପୁଟ୍ନିକ୍ ଭି କରୋନା ଟିକା ଉତ୍ପାଦନ ଆରମ୍ଭ କରିଛି। ଏପ୍ରିଲରେ କରିଥିବା ଘୋଷଣା ଅନୁସାରେ ରୁଷର ପ୍ରତ୍ୟକ୍ଷ ବିନିଯୋଗ ପାଣ୍ଠି (ଆରଡିଆଇଏଫ) ଏବଂ ପାନାସିଆ ବାୟୋଟେକ୍ ଭାରତରେ ବର୍ଷକୁ ସ୍ପୁଟ୍ନିକ୍ ଭିର ୧୦୦ ମିଲିୟନ୍ ଡୋଜ ଉତ୍ପାଦନ କରିବେ |