କୋଭିସିଲଡ଼ ଓ କୋଭାକସିନ ପରେ ଋଷ ଟିକାକୁ ମିଳିପାରେ ଅନୁମତି
ନୂଆଦିଲ୍ଲୀ: ଭାରତରେ ଟିକାକରଣ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ଜରୁରୀକାଳୀନ ବ୍ୟବହାର ପାଇଁ ଆଉ ଏକ କରୋନା ଟିକାକୁ ଅନୁମୋଦନ ଦିଆଯାଇପାରେ | ଋଷର ‘ସ୍ପୁଟନିକ୍ ଭି’ ଟିକାକୁ ଜରୁରୀକାଳୀନ ବ୍ୟବହାରକୁ ଅନୁମୋଦନ କରିବା ପାଇଁ ଡକ୍ଟର ରେଡ୍ଡୀସ ଲାବୋରେଟୋରୀ ୨୧ ଫେବୃଆରୀରେ ଡ୍ରଗ୍ସ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (DCGI) ରେ ଆବେଦନ କରିଛି |
Sambad is now on WhatsApp
Join and get latest news updates delivered to you via WhatsApp
ଫେବୃଆରୀ ୨୪ ରେ, ଡ୍ରଗ ଅଥରିଟି ଅନୁମତି ଦେବା ପାଇଁ ଦେଶରେ କରାଯାଇଥିବା ପରୀକ୍ଷାର ରିପୋର୍ଟ ଦେବାକୁ ଭାରତୀୟ ଫାର୍ମାସ୍ୟୁଟିକାଲ୍ କମ୍ପାନୀ ଡକ୍ଟର ରେଡ୍ଡୀସକୁ କହିଥିଲେ । ଏହି ପରିପ୍ରେକ୍ଷୀରେ, ଦେଶରେ ଋଷ ଟିକା ବ୍ୟବହାରକୁ ଅନୁମୋଦନ କରିବା ପାଇଁ ବିଶେଷଜ୍ଞ କମିଟି ଶୀଘ୍ର ନିଷ୍ପତ୍ତି ନେଇପାରେ। ତେବେ ଦେଶର କିଛି ବିଶେଷଜ୍ଞମାନେ ଏହାକୁ ନେଇ ପ୍ରଶ୍ନ ଉଠାଇଛନ୍ତି | କାରଣ ମାର୍ଚ୍ଚ ୨ ରେ ଭାରତ ବାୟୋଟେକ୍ କମ୍ପାନୀ କୋଭାକ୍ସିନର ତୃତୀୟ ପର୍ଯ୍ୟାୟ ପରୀକ୍ଷା ନେଇ ତଥ୍ୟ ପ୍ରକାଶ କରିଥିଲା | କିନ୍ତୁ ଏହା ପୂର୍ବରୁ ଜାନୁଆରୀ ୧୬, ୨୦୨୧ ରୁ ସାରା ଦେଶରେ ଟୀକାକରଣ ଆରମ୍ଭ ହୋଇଥିଲା |
ସୂଚନା ଥାଉ କି ଋଷର ଟିକା ସ୍ପୁଟନିକ ଭି ନିକଟରେ ତୃତୀୟ ପର୍ଯ୍ୟାୟ ପରୀକ୍ଷାକୁ ସଫଳତାର ସହ ସମାପ୍ତ କରିଛି ଏବଂ ଏହି ଟିକା ୯୧.୬ ପ୍ରତିଶତ ପ୍ରଭାବଶାଳୀ ବୋଲି ପ୍ରମାଣିତ ହୋଇଛି। ତୃତୀୟ ପରୀକ୍ଷଣରେ ଋଷର ୧୯,୮୬୬ ସ୍ବେଚ୍ଛାସେବୀ ସାମିଲ ହୋଇଥିଲେ। ସେମାନଙ୍କ ମଧ୍ୟରେ, ୬୦ ବର୍ଷରୁ ଅଧିକ ୧୪୪ ସ୍ବେଚ୍ଛାସେବୀ ଥିଲେ, ଯେଉଁଥିରେ ୯୧.୮ ପ୍ରତିଶତ ପ୍ରଭାବଶାଳୀ ବୋଲି ପ୍ରମାଣିତ ହୋଇଥିଲା |