ରେଳଧାରଣାରେ ଜମା ହୋଇଥିବା ବରଫ ହଟାଇବାକୁ ଶ୍ରୀନଗରରେ ବ୍ୟବହୃତ ହେଉଛି ଏହି ଉପକରଣ, ଦେଖନ୍ତୁ ଭିଡିଓ

ଶ୍ରୀନଗର: ଗତ କିଛି ଦିନ ହେବ ଜାମ୍ମୁ କାଶ୍ମୀରରେ ତୁଷାରପାତ ଜାରି ରହିଛି। ଗୋଟିଏ ପଟେ ପ୍ରବଳ ତୁଷାରପାତ ଯୋଗୁଁ କାଶ୍ମୀରରେ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇଥିବାବେଳେ ଅନ୍ୟ ପଟେ ଉପତ୍ୟକାରେ କ୍ରମାଗତ ତୁଷାରପାତ ହେତୁ କାଶ୍ମୀରର ଗ୍ରାମାଞ୍ଚଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଶ୍ରୀନଗରରେ ପ୍ରବଳ ତୁଷାରପାତ ହୋଇଥିବାବେଳେ ରେଳ ଷ୍ଟେସନରେ ଥିବା ଟ୍ରାକଗୁଡିକ ସମ୍ପୂର୍ଣ୍ଣ ବରଫରେ ଆଚ୍ଛାଦିତ ହୋଇପଡିଛି | ଆଉ ରେଳ ମନ୍ତ୍ରଣାଳୟ ଶ୍ରୀନଗର ରେଳ ଷ୍ଟେସନରେ ତୁଷାରପାତର ଏକ ଭିଡିଓ ସେୟାର କରିଛି।

Encompassed by Nature's snow blanket, beautiful Srinagar Railway Station offers one of the most spectacular views of this winter today. pic.twitter.com/KVxqsRCz7y

— Ministry of Railways (@RailMinIndia) January 9, 2021

ଟ୍ୱିଟରରେ ଏହି ଭିଡିଓ ସେୟାର କରାଯାଇଥିବାବେଳେ ବରଫପାତର ମଜା ନେବାକୁ ପର୍ଯ୍ୟଟକଙ୍କ ମଧ୍ୟରେ ଉତ୍ସାହ ବୃଦ୍ଧି ପାଇଛି | ଏହା ବ୍ୟତୀତ ରେଳ ମନ୍ତ୍ରଣାଳୟ ମଧ୍ୟ ରେଳବାଇ ଟ୍ରାକରୁ ବରଫ ହଟାଇବାର ଆଉ ଏକ ଭିଡିଓ ସେୟାର କରିଛି | ରେଳ ଧାରଣାରେ ବରଫ ଜମିଯାଇଥିବା ଯୋଗୁଁ ରେଳ ଚଳାଚଳରେ ବାଧା ଉପୁଜିଛି | ଆଉ ରେଳ ସେବା ସ୍ୱାଭାବିକ କରିବାକୁ ଶ୍ରୀନଗର ରେଳ ଷ୍ଟେସନରେ ଥିବା ଟ୍ରାକରୁ ବରଫ ହଟାଇବା କାମ ଆରମ୍ଭ ହୋଇଛି |

One of the most spectacular view this winter!

Srinagar Railway station- encompassed by Nature's snow blanket & Track Maintenance operations underway to clear the snow from the railway tracks. pic.twitter.com/uE4OzXZyeV

— Ministry of Railways (@RailMinIndia) January 9, 2021

ରେଳବାଇ କହିଛି ଯେ କାଶ୍ମୀର ଉପତ୍ୟକା ଏକ ଧଳା ଚାଦରରେ ଆବୃତ ହୋଇଛି। ଭାରତୀୟ ରେଳବାଇର ଟ୍ରାକ୍ ରକ୍ଷଣାବେକ୍ଷଣ କାର୍ଯ୍ୟ ଅଧୀନରେ ଥିବା ଧାରଣାରୁ ବରଫ ହଟାଯାଉଛି | ଭିଡିଓ ମାଧ୍ୟମରେ ଟ୍ରାକରୁ ବରଫ ହଟାଇବା ପାଇଁ ଭାରତୀୟ ରେଳବାଇ ଦ୍ୱାରା କରାଯାଇଥିବା କାର୍ଯ୍ୟକୁ ରେଳ ମନ୍ତ୍ରୀ ପ୍ରଶଂସା କରିଛନ୍ତି।