ପରିସୀମନ ପ୍ରସଙ୍ଗରେ ସବୁ ଦକ୍ଷିଣ-ଭାରତ ରାଜ୍ୟକୁ ଚିଠି ଲେଖିଲେ ଷ୍ଟାଲିନ୍

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ୍ ଦକ୍ଷିଣ ଭାରତ ସମେତ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି। ଷ୍ଟାଲିନ୍ ଜାତୀୟ ଶିକ୍ଷା ନୀତି (ଏନଇପି) ଏବଂ ପରିସୀମନ (ଡିଲିମିଟେସନ) ପ୍ରସଙ୍ଗରେ କେରଳ, ଆନ୍ଧ୍ରପ୍ରଦେଶ, ତେଲେଙ୍ଗାନା ଏବଂ କର୍ଣ୍ଣାଟକ ସମେତ ଅନେକ ରାଜ୍ୟର ମୁଖ୍ୟମନ୍ତ୍ରୀଙ୍କ ସମର୍ଥନ ଲୋଡ଼ିଛନ୍ତି।

ଷ୍ଟାଲିନ୍ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଜାତୀୟ ଶିକ୍ଷା ନୀତି (ଏନଇପି) ଏବଂ ପରିସୀମନରେ ତାଙ୍କ ଅଭିମୁଖ୍ୟକୁ ସମର୍ଥନ କରିବାକୁ ଅନୁରୋଧ କରିଛନ୍ତି।

ଷ୍ଟାଲିନ୍ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଜାତୀୟ ଶିକ୍ଷା ନୀତି (ଏନଇପି) ଏବଂ ପରିସୀମନରେ ତାଙ୍କ ଅଭିମୁଖ୍ୟକୁ ସମର୍ଥନ କରିବାକୁ ଅନୁରୋଧ କରିଛନ୍ତି। ଆସନ୍ତା ୨୨ ତାରିଖରେ ଚେନ୍ନାଇରେ ହେବାକୁ ଥିବା ପରିସୀମନ କମିଟି ବୈଠକରେ ଯୋଗଦେବାକୁ ଷ୍ଟାଲିନ୍ ମୁଖ୍ୟମନ୍ତ୍ରୀମାନଙ୍କୁ ନିବେଦନ କରିଛନ୍ତି। ତାମିଲନାଡୁ ମୁଖ୍ୟମନ୍ତ୍ରୀ ଚିଠିରେ ଏହି ମୁଖ୍ୟମନ୍ତ୍ରୀମାନଙ୍କୁ ଦଳଗତ ମତଭେଦରୁ ଉପରକୁ ଉଠି ରାଜ୍ୟର ସ୍ବାର୍ଥ ପାଇଁ ଏକାଠି ହେବାକୁ ଅନୁରୋଧ କରିଛନ୍ତି ।

କେନ୍ଦ୍ର ସରକାରଙ୍କ ପ୍ରସ୍ତାବିତ ପରିସୀମନ ପ୍ରକ୍ରିୟାକୁ ନେଇ ଷ୍ଟାଲିନ୍ ଉଦବେଗ ପ୍ରକାଶ କରିଛନ୍ତି। ଏହି ପ୍ରକ୍ରିୟା ଦେଶର ଭବିଷ୍ୟତ ଗଢ଼ିବାରେ ସଫଳତାର ସହ ଜନସଂଖ୍ୟା ନିୟନ୍ତ୍ରଣ କରିଥିବା ତାମିଲନାଡୁ ଭଳି ରାଜ୍ୟଗୁଡ଼ିକର ପ୍ରଭାବକୁ ହ୍ରାସ କରିପାରେ ବୋଲି ସେ ଚେତାବନୀ ଦେଇଛନ୍ତି। ସେହିପରି ଜାତୀୟ ଶିକ୍ଷାନୀତି ମାଧ୍ୟମରେ ହିନ୍ଦିକୁ ଦକ୍ଷିଣ ଭାରତ ଉପରେ ଲଦି ଦିଆଯାଉଛି ବୋଲି ସେ କହିଛନ୍ତି ।