ଓ୍ଵାସିଂଟନ୍‌: ୧ ବିଲିୟନ୍‌ ଡଲାର୍‌ ମୂଲ୍ୟର ଅତି ଉନ୍ନତ ମାନର ନୌସେନା ବନ୍ଧୁକ ବିକ୍ରୟ କରିବାକୁ ଯୁକ୍ତରାଷ୍ଟ୍ର ଆମେରିକାର ବୈଦେଶିକ ବିଭାଗ ମଞ୍ଜୁରି ଦେଇଛି।

ଏମ୍‌କେ-୪୫ ବନ୍ଧୁକ ବିଶେଷ ଭାବେ ଆରବ ସାଗରରେ ଭାରତର ନୌସେନା ସାମର୍ଥ୍ୟ ବଢ଼ାଇବ।

Advertisment

ଏକ ପ୍ରେସ୍‌ ବିବୃତିରେ ଯୁକ୍ତରାଷ୍ଟ୍ର ଆମେରିକାର ‘ଡିଫେନ୍‌ସ୍‌ ସିକ୍ୟୁରିଟି କୋଅପରେସନ୍‌ ଏଜେନ୍‌ସି’ (ଡିଏସ୍‌ସିଏ) କହିଛି ଯେ ସରକାର ଭାରତକୁ ୧୩ ଏମ୍‌କେ-୪୫ ୫ ଇଞ୍ଚ/୬୨ ଯାଏଁ କାଲିବର୍‌ ନୌସେନା ବନ୍ଧୁକ ବିକ୍ରୟ ପାଇଁ ଅନୁମତି ଦେଇଛନ୍ତି।

publive-image Image Source: HT

ନଭେମ୍ବର ୧୯ ତାରିଖରେ ହେବାକୁ ଥିବା ଏହି ସମ୍ଭାବ୍ୟ ବିକ୍ରି ନିମନ୍ତେ କଂଗ୍ରେସକୁ ବିଜ୍ଞପ୍ତି ଦେଇ ‘ଡିଏସ୍‌ସିଏ’ ଆବଶ୍ୟକ ପ୍ରମାଣପତ୍ର ଡେଲିଭରି କରିଛି।

ଅନ୍ୟାନ୍ୟ ଅସ୍ତ୍ରଶସ୍ତ୍ର, ସ୍ପେଆର୍‌ ପାର୍ଟ, କର୍ମଚାରୀ  ଏବଂ ଯନ୍ତ୍ରପାତି ତାଲିମ, ପ୍ରକାଶନ ଏବଂ ବୈଷୟିକ ତଥ୍ୟ, ପରିବହନ, ଯୁକ୍ତରାଷ୍ଟ୍ର ଆମେରିକା ଏବଂ କଣ୍ଟ୍ରାକ୍ଟର୍‌ ବୈଷୟିକ ସହାୟତା ଏବଂ ଏସବୁ ନିମନ୍ତେ ଆବଶ୍ୟକ ପରିବହନ ସମର୍ଥନ ଆଦି ଏହି ରାଜିନାମାରେ ଅନ୍ତର୍ଭୁକ୍ତ ହୋଇଛି। ଏଥିପାଇଁ ମୋଟ ଖର୍ଚ୍ଚ ଅଟକଳ ହେଉଛି ୧. ୦୨୧୦ ବିଲିୟନ୍‌ ଆମେରିକୀୟ ଡଲାର୍‌।