ପାଣି ଟାଙ୍କିରେ ଟଏଲେଟ ପାଇପ ସଂଯୋଗ କଲେ ସଫେଇ କର୍ମଚାରୀ, ନିଲମ୍ବିତ ହେଲେ ଷ୍ଟେସନ ମାଷ୍ଟର
ଇନ୍ଦୋର: ରେଳ ଯାତ୍ରୀଙ୍କ ପାଇଁ ଥିବା ପାଣି ଟାଙ୍କିରେ ଟଏଲେଟ ପାଇପ ସଂଯୋଗ କଲେ ସଫେଇ କର୍ମଚାରୀ | ଆଉ ସଫେଇ କର୍ମଚାରୀଙ୍କ କାମକୁ ତଦାରଖ କରିନଥିବାରୁ ଷ୍ଟେସନ ମାଷ୍ଟରଙ୍କୁ ନିଲମ୍ବିତ କରିଛି ରେଳ ମନ୍ତ୍ରାଳୟ | ମଧ୍ୟପ୍ରଦେଶର ମନ୍ଦସୌରର ଏକ ରେଳ ଷ୍ଟେସନରେ ଏଭଳି ଘଟଣା ଘଟିଛି | ମିଳିଥିବା ସୂଚନା ମୁତାବକ ମାର୍ଚ୍ଚ ୧ ତାରିଖରେ ଗାରଥ ରେଳଷ୍ଟେସନରେ ଜଣେ ସଫେଇ କର୍ମଚାରୀ ରେଳ ଯାତ୍ରୀଙ୍କ ପାଇଁ ଉଦ୍ଦିଷ୍ଟ ପାଣି ଟାଙ୍କିରେ ଭୁଲବଶତଃ ପାଣି ପାଇପ ସଂଯୋଗ କରିବା ବଦଳରେ ଟଏଲେଟ ପାଇପକୁ ସଂଯୋଗ କରିଦେଇଥିଲେ | ଆଉ ପାଣି କଳରେ ଦୁର୍ଗନ୍ଧମୟ ପାଣି ବାହାରିବା ପରେ ଘଟଣା ବାବଦରେ ଜଣାପଡିଥିଲା |
Sambad is now on WhatsApp
Join and get latest news updates delivered to you via WhatsApp
कोटा के गरोठ स्टेशन की उक्त घटना के संज्ञान मे आते ही त्वरित कार्यवाही की गई है । एवं रेल यात्रियों के लिए स्वच्छ पेय जल की व्यवस्था सुनिश्चित की गई है । @drmkota pic.twitter.com/xiuXOmVX5X
— West Central Railway (@wc_railway) March 5, 2021
ଏହା ପରେ ଯାତ୍ରୀମାନେ ଅସନ୍ତୋଷ ପ୍ରକାଶ କରିଥିଲେ | ଘଟଣା ବାବଦରେ ରେଳବାଇର କୋଟା ଡିଭିଜନ ଜାଣିବା ପରେ ବରିଷ୍ଠ ଡିଭିଜନ ପରିଚାଳକ ଅଜୟ କୁମାର ପାଲ ଷ୍ଟେସନ ମାଷ୍ଟରଙ୍କୁ ନିଲମ୍ବିତ କରିଥିବାବେଳେ ସଫେଇ କର୍ମଚାରୀଙ୍କୁ ଛଟେଇ କରିଦେଇଛନ୍ତି |
ଅଜୟ କୁମାର ପାଲ କହିଛନ୍ତି ଯେ ଏକ ଘରୋଇ ସଂସ୍ଥାର ସଫେଇ କର୍ମଚାରୀ ପାନୀୟ ଜଳ ଥିବା ଟାଙ୍କିରେ ଟଏଲେଟ ପାଇପକୁ ଯୋଡି ଦେଇଥିଲା | ଆଉ ଷ୍ଟେସନ ମାଷ୍ଟର ଏବାବଦରେ ତଦାରଖ କରିନଥିବାରୁ ଷ୍ଟେସନମାଷ୍ଟର ଚାଉଥମାଲ ମୀନାଙ୍କୁ ନିଲମ୍ବିତ କରାଯାଇଛି ଏବଂ ସଫେଇ କର୍ମଚାରୀଙ୍କୁ ଡ୍ୟୁଟିରୁ ହଟାଇ ଦିଆଯାଇଛି |